Page 359 - Дүпсүн сирэ

оройуоҥҥа даҕаны рекордары олохтуур буолара. Былааны хайдах сыллата,
пятилетка аайы толорорун уонна аһара толорорун ыйыталастахха, бииргэ
үлэлиир механизатордара итиниэхэ биир эрэ кистэлэҥ баарын туһунан этэл-
лэр. Ол, сыччах сарсыарда эрдэ туран, киэһээ хойут утуйан үлэлээһин. Итиниэ­
хэ эбэн биэриэххэ сөп, тракторын мэлдьи көрүнэ-истэ сылдьарын, алдьаныы
биричиинэтин эрдэттэн туоратан иһэрин. Холобура, ханнык эмэ күн трак­
тора моһуогуран күннээҕи нуорматын толорботох, уочараттаах кырыныытын
ситэ оҥорботох буоллаҕына, онтун кини хайаан да сарсыныгар ситэрэн тэ-
йэр мөккүөрдээх. Киниэхэ таһаҕасчытынан, көмөлөһөөччүнэн сылдьар уолат-
тар итинник быһаарыныыга үөрэнэн хаалбыттар, онон утарылаһа барбакка
үлэлиир үгэстээхтэр.
Кэлинни сылларга, үөһээ ахтан аһарбыппыт курдук, кини сайын пресс-
подборщик звенотун салайан үлэлэтэр. Ааспыт сайын звенота 400 тонна оту
кииппэлээн ферма таһыгар таһар былааннааҕа. Ону 510 тоннанан толорбу-
та. Бу Уус Алдан оройуонугар от аанньа үүммэтэх кураан сайыныгар чахчы
үчүгэй үлэ түмүгэ. Быйыл эмиэ Афанасий Андреевич бу звенону салайан,
Дүпсүн алаастарыгар уруккутун курдук трактор миҥэтигэр олорон, күөх сайын
быйаҥын үлүмнэһэр үлэҕэ турунуоҕа. Онуоха звенотугар туох наада буоларын
барытын бэлэмнээн бу күннэргэ түмүктээтэ.
Биһиги кэпсиир киһибит, сааһынан пенсияҕа баран, тракторын кыһынҥы
кэмҥэ атын эдэр ыччакка биэрбитэ. Онон булчут быһыытынан күндү түүлээҕи
сонордоһор. Пятилетка икки сылыгар бу да салаа үлэҕэ кини дьоҕурдааҕын
көрдөрдө. Ол эбэтэр былааннаах сорудаҕын төһө да андаатар аҕыйаатар, то-
лордо. Уус киһи быһаҕа суох буолар дииллэринии, Афанасий Андреевич,
төһө да тракторы бэйэтэ урууллаан сырыттар, үгүстүк ото-маһа быста сыһан
дьоҥҥо күлүүгэ барара. Табаарыстара: «Хайа, доҕоор, кыбыыгар отуҥ эстэн
эрэр, хонук маһыҥ букатын да мэлийбит дии. Бу бэйэлээх сэби илдьэ сылдьан,
били Бокуомнары кэпсииллэригэр дылы, күлүүгэ бараргар тиийбиккин. Көр,
ол «эрэйдээхтэр» хонор мастара суох буолан, түүн хараҥаҕа мае тиэнэ тыаҕа
тахсаллара үһү ээ», — диэччилэр. Онуоха Афанасий Андреевич хардарааччы:
«Ээ, ол мин аныгы киһи буоллаҕым дии. Хараҥаттан хаайтарыам дуо? Бэл, ол
былыргылар эрэйдээхтэр хараҥаттан иҥнибэккэ мае тиэнэн киирэллэрэ, от-
тон мин тракторым хараҕын уота сыттаҕа дии», — диэн. Кырдьык, үлэ күнэ
бүппүтүн, атын трактористар бука бары трактордарын гаражка киллэрбиттэ-
рин кэннэ Афанасий бэйэтигэр от-мас тиэнэ барар буолара.
«Дүпсүн» совхоз кырдьаҕас механизатора А.А.Соловьев олоххо актыы-
бынай сыһыаннаах, общественнай өйдөөх-санаалаах киһи диэн эбэн этиэх
кэриҥнээхпит. Кини сааһын тухары ыччаттары кытта үлэлээтэ, ыччат нас-
тавнига буолла. Кинилэрдиин уопсай тылы булар, эппит тылын толорторор
үгэстээх. Ол иһин оҕолор кинини, кини — оҕолору сөбүлүүр.
Сааһын тухары техникаҕа үлэлээбит буолан, рационализация дьыалатыгар
эмиэ ылсааччы. Ол туһунан оройуоннааҕы «Ленинскэй тэрийээччи» хаһыат
хаста да суруйан турардаах. Производствоҕа көдьүүһү аҕалбыт кини элбэх
этиилэриттэн манна биири ахтан аһарыаҕыҥ. От охсор массыына токур вала
субу-субу тосторун туоратар бөҕөргөтүүнү оҥорон турардаах. Итини оройуон
323