Page 445 - Дүпсүн сирэ

бэккэ педколлектив бэйэтин иһиттэн үүнэн-сайдан тахсыбыттарын билигин
бэркиһии саныыбын.
Туризмы историк Петр Петрович Борисов, уус-уран самодеятельнойы ырыа
учуутала Вера Иннокентьевна Готовцева, кыраайы үөрэтэр музейы нуучча ты-
лын учуутала Иван Дмитриевич Стрекаловскай, духовой оркестры начаалынай
кылаас учуутала Куприян Семенович Федоров, спорду физрук Иван Михайло­
вич Жирков, оҕону уус-уран оҥоһукка уһуйууну Василий Федорович Сивцев
утуйалларын-сынньаналларын умнан, чахчы да ис сүрэхтэриттэн ымсыыран-
баҕаран туран үлэлээбиттэрэ-хамсаабыттара уонна олохторун аргыһа
оҥостубуттара. Баара-суоҕа икки сыл иһигэр Дүпсүн оскуолата бары өттүнэн
оройуону ааһа түһэн, республикаҕа биллэр-көстөр, бастын оскуола буол-
бута. Дьэ итини барытын директор И.С.Колодезников, завуч А.Н.Ушницкая
иилээбиттэрэ-саҕалаабыттара. И.С.Колодезников Дүпсүҥҥэ директорынан
кэлбэтэҕэ буоллар итинник далааһыннаах үлэ, ситиһии, өрө күүрээн уонна
оскуола 1 0 0 сыллаах үбүлүөйэ өйтөн-сүрэхтэн сүппэт гына тэриллиитэ баара-
суоҕа икки сылга ситиһиллиэ этэ дии санаабаппын. «Сайыҥн ы биир күн сылы
аһатар» диэн кынаттаах тыл уот харахха этэрин курдук, Дүпсүн оскуолатын
кэлиҥҥи үйэ аҥаардааҕы ситиһиилэригэр ити иккиэйэх сыл бигэ акылааты
уурбута, туллубат тулааһын, өҕүллүбэт өһүө буолбута чуолкай. Дьэ ону салҕаан,
утумнаан, саҥаттан саҥалыы тыыннанан иһиигэ завуч Анастасия Николаевна
Ушницкая уһулуччу өҥөлөөх. Ол да иһин завуч А.Н.Ушницкая үбүлүөй саҕана,
директор И.С.Колодезников арыый кэлин, Дүпсүн оскуолатыгар үөрэҕи, эсте­
тической үлэни тэрийиигэ ситиһиилэрин иһин САССР оскуолаларын үтүөлээх
учууталын үрдүк аатын ылбьптара. Краевед Иван Дмитриевич Стрекаловскай,
энтузиастар Иннокентий Константинович Сивцев, Василий Федорович Сив­
цев, Куприян Семенович Федоров, Вера Иннокентьевна Готовцева, Евдокия
Ивановна Егорова, РФ үтүөлээх учуутала Анна Петровна, САССР оскуола­
ларын үтүөлээх учуутала Иван Данилович Жирковтар уонна да атын уонунан
ааҕыллар үтүөкэннээх учууталлар кылааттара улахан.
Дүпсүн оскуолатыгар үөрэнэр сылларбар уруһуйга уһуйбут Эдуард Никитич
Готовцевка, туризмна ииппит-такайбыт, уһуннук алтыспыт, бодоруспут Иван
Дмитриевич Стрекаловскайга, начаалынай кылааска үөрэппит уонна кэлин
наар хараҕын далын иһигэр илдьэ сылдьан ийэлии амарахтык сыһыаннаспыт,
көмүскэл-харысхал буолбут Екатерина Осиповна Максимоваҕа истинник мах-
тана саныыбын. Ону тэнэ Петр Петрович Борисов, Любовь Ивановна Кри-
вогорницына, Галина Васильевна Ортач, Иван Михайлович Жирков, Светла­
на Елисеевна Можайкина-Максимова, Михаил Владимирович Федоров, Ким
Петрович Андросов уо.д.а. үтүөкэннээх учууталларга үөрэммитим.
Үрдүк үөрэҕи бүтэрэн, 1969—1971 сс. Дүпсүҥҥэ үлэбин саҕалаабытым.
Ол сылларга киэҥ билиилээх-көрүүлээх, педагог быһыытынан бары пред-
меккэ дэгиттэр бэлэмнээх Николай Михайлович Гоголевтыын дьылҕа-хаан
тиксиһиннэрбитэ. Туох да өйдөбүлэ, бэлэмэ суох, этэргэ дылы. биир уруо-
гу биэрэ илик, туга-ханныга биллибэт киһини директоры иитэр үлэҕэ сол-
буйааччынан анаабыттара. Дьэ оннук киһиэхэ, миэхэ, кини дьиҥнээх настав­
ник, үтүө сүбэһит, аҕа доҕор, табаарыс курдук сыһыаннаспыта. Иитэр үлэ
385