Page 442 - Дүпсүн сирэ

уонна Ил Түмэн депутата Александр Николаевич Жирков күүс-көмө буолал-
лар диэн Иван Данилович өрүү махтанар.
Музей экспозициялара өрүү саҥардыллаллар. 2006 с. Дьокуускайга үөрэ-
нээччилэр ситиһиилэрин көрдөрөр музейга экспонаттара быыстапкаҕа тур-
буттара. Космонавтика музейа Саха сирэ Россияны кытта холбоспута 375 сы-
лынан сибээстээн оскуолатааҕы музейдары көрүүгэ республикаҕа 3-с миэстэ
буолбута.
Куруһуокка сылдьыбыт оҕолор үгүстэрэ техникаҕа сыһыаннаах буола улаап-
пыттара, техническэй хайысхалаах үөрэҕи бүтэрэн, норуот хаһаайыстыбатыгар
үлэлии-хамсыы сылдьаллар. Икки куруһуок чилиэнэ авиационнай институт-
тары бүтэрбиттэрэ.
Иван Данилович Саха АССР оскуолатын үтүөлээх учуутала, РСФСР но-
руотун үөрэҕириитин туйгуна, БСНХСБ 5 төгүллээх медалиһа, «Саха-Азия
оҕолоро» фонда стипендиата, саха бастакы лётчига В.И.Кузьмин аатынан би-
риэмийэ лауреата, С.П.Королёв юбилейнай мэтээлинэн наҕараадаламмыта,
Уус Алдан улууһун уонна Дүпсүн нэһилиэгин Бочуоттаах гражданина.
Анна Петровна Жиркова,
РФ ут уо.гээх учуутала

Учууталларым, директордарым

Эргитэ санаан көрдөхпүнэ, оскуолаҕа киириэхпиттэн бүтэриэхпэр диэри
элбэх да үтүөкэннээх учууталларга, директордарга үөрэммит эбиппин. Оскуола
аан бастакы боруогун атыллаабыт 1950—51 сыллардааҕы үөрэх дьылыгар дирек­
тор Егор Михайлович Гоголев этэ. Мин өйдөбүлбэр кини хамсатын туора уоба
сылдьар, хара баттаҕын икки ан ыы хайа тарааммыт, мырчыстаҕас сурааһыннар
сүүһүгэр, иэдэһигэр, омурдугар дириҥник олоро сылдьар саастаах киһи курдук
иҥэн хаалбыт. Кинини киэн билиилээх-көрүүлээх үчүгэй учуутал, «Кыһыл
кырыы хаалтыстаах пионердар буолабыт» диэн отутус сылларга Эллэй «Элбээн
эрэбит» диэн ырыатын курдук оҕо-аймах таптаан ыллыыр хоһоон авторын, ли-
тературнай куруһуогу салайан, оҕолору поэзия умсулҕаннаах эйгэтигэр уһуйбут
үтүөлээх-өҥөлөөх киһинэн үөрэппит оҕолоро ааҕаллар. Холобур, оройуоҥҥа
бэйэтин кэмигэр тэрээһиннээх салайааччынан, производство командирынан
биллибит Михаил Прокопьевич Гуляев биирдэ, аҕыс уонус сыллар эргин,
редакцияҕа кэлэ сылдьан олус иһирэхтик ахтыбыттаах.
Интэриэһинэйэ баар, үөрэммит сылларбар 9 директор олорон, үлэлээн
ааспыт да, хайаларыгар да үөрэммэтэх эбиппин. Арай, хойутуу соҕус, дирек-
тордаан бүппүтүн кэннэ, Дмитрий Андреевич Иванов биир сыл историяны
үөрэппитэ. Дьиҥэр олус интэриэһинэй былыргы Рим историятын иһиллэр-
иһиллибэт кыра куолаһынан биир көдьүс салгымтыалаахтык кэпсиирэ. Ол
үрдүнэн толлор, куттанар буоламмыт айдаарбакка, мэниктээбэккэ кубу-дьиби
туттар учууталбыт этэ. Ардыгар тэһийбэккэ-тулуйбакка, ким эмэ ыһыллан
ылыах курдук буоллаҕына, үөс курдугунан өтөрү-батары көрдөҕүнэ, кылаас
иһэ ньим баран, кумаар көтөрө иһиллэр чуумпута буолара. Атын директор-
382