Page 446 - Дүпсүн сирэ

диэн муҥура биллибэт үлэҕэ төбөм оройунан түһүүбүн сүрүннээн-салайан,
күөттээн-күүркэтэн биэрэрэ. Педагогическай литератураны хасыһан сурут-
тарарынан, ааҕарынан, ону сатаан ыпсаран, дириҥник хорутан өйдүүрүнэн
бука дэбигис директор, завуч тэҥнэспэт киһитэ эбитэ буолуо дии саныыбын.
Иитэр үлэҕэ сыһыаннаах сурунааллары, хаһыаты уларсара. Олорго барыты-
гар наадалаах диэбитин аннынан тардыбыт бэлиэтээһиннээх буоларын сөҕөр,
бэркиһиир эрэ этим. Бэйэтин билиитин хаҥатыыга, саҥаны билиигэ-көрүүгэ
уһулуччу болҕомтотун уурара, ирдиирэ. Уруокка сылдьан баран, хайа да пред­
мет буоллун, сүрдээх дириҥ ырытыыны оҥорорун сөҕөр эрэ этим. Мээнэҕэ
даҕаны минпрос инспектора тыа учууталлара, аҥаардас аатыттан титирэстиир,
уйаларыгар уу киирэр киһилэрэ А.Н. Анисимов Уус Алдаҥҥа бэрэбиэркэ
ыытан баран, райОНО-ҕа түмүктүүрүгэр суос-соҕотох Н.М.Гоголевка педагог
быһыытынан үрдүк сыанабылы биэрбитин астына, киэн тутта истибиттээҕим.
Хаһаайыстыбаннай өттүнэн баҕар итэҕэстээҕэ-быһаҕастааҕа буолуо, мин
көрөрбөр онно соччо-бачча суолта биэрбэт да курдуга, дьиҥ-чахчы талааннаах
педагог этэ Николай Михайлович Гоголев.
Университекка уонна Дүпсүҥҥэ учууталлыыр сылларбар убай туттубут, дьиэ
кэргэн дьиҥнээх аҕа баһылыгын быһыытынан ыалдьытымсаҕын, үөрэ-көтө
сылдьарын, аһа-үөлэ, күндүтэ-мааныта дэлэйин иһин уонна ол өҥөнөн элбэх-
тик туһаммыт киһи буолан эдэрбитигэр найааннаһан «Суостуганнаах холум-
таннаах, суо хаан оһохтоох Ньир Муос Оҕонньор» диэн олоҥхо бухатыырыныы
уруйдуу көрсөр үтүөкэннээх доҕорум Иннокентий Константинович Сивцев
туһунан кыратык ахтан, сырдык аатын кэриэстээн ааһары иэспинэн ааҕабын.
Көстөкүүнэбиһи саха тылын, литературатын уһулуччулаах пропагандиһа,
улахан буукубаттан суруллар талааннаах методист буоларын, саха былыргы-
тын, сиэрин-туомун, саха, нуучча, омук уһулуччу күүстээхтэрин иҥэн-тонон
үөрэппитинэн тэҥнээҕэ бэрт аҕыйаҕын киһи барыта билэр. Мээнэҕэ да «Бо-
чуот Знага» уордьанын, методист, старшай учуутал үрдүк ааттарын ылбатаҕа
чахчы. Мин олорго тэнийэр санаам суох.
Иннокентий Константинович курдук мае хайдыбытыныы көнө, оҕолуу олус
судургу уонна өс киирбэх, биирдэ кыыһыран киҥ-татыа буолбутун кимиэхэ да
көрдөрбөтөх былыргы дьон этэллэринии « тыгын оҕото», дьүһүннүүн-бодолуун,
тыллыын-өстүүн, сиэрдиин-майгылыын киһи быһах кылаанын да саҕа энчи-
ни булбат саха саарына дэнэр үтүөкэннээх киһилиин мин, сүтэр сүппүтүн
кэннэ эргитэ санаан көрдөхпүнэ, бачча сааспар диэри алтыһа, бодоруһа илик
эбиппин. Дьиҥэ да Айбыт Айыыһыт, Аар Айылҕа күүс-уох, өй-санаа, дьүһүн-
бодо, энчирээбэт энергия, киэҥ уонна дэгиттэр билии-көрүү, уус-уран тыл-
ос өттүнэн маннык буоллун диэн кэччэйбэккэ, дэлэйдик-холойдук бэрсибит
киһилэрэ эбитэ буолуо. Ханна кини баар сиригэр сэргэхсийии, көх-нэм, көр-
нар күөдьүйбүтүнэн барара. Бэл, переменаҕа, араас көтөр кынаттаах аатын
сүгэр 4—5 биир идэлээхтэрин ортолоругар киирэн туран: «Эһиэхэ холоотоххо,
мин Мохсоҕол оҕото буоллаҕым», — диэт, уоттаах сытыы хараҕынан эриличчи
көрөн таһаардаҕына, өһүргэниэхтээҕэр буолуох «хаарыттарбыт» дьонноро бэ-
йэлэрэ иилэ хабан ылан көрү күөттээн, быарбыт көһүйүөр диэри күллэрэллэрэ.
Хор, Көстөкүүнэбис оннук үтүөкэн доҕор, истиҥ табаарыс этэ.
386