Page 473 - Дүпсүн сирэ

Дабаадыма дьааһылата
1963 с. икки ыал дьиэтигэр 25 миэстэлээх дьааһыла аһыллыбыт.

Дьааһыла маҥнайгы үлэһиттэрэ
1. Атласова Анна Николаевна — сэбиэдиссэй, м/сестра
2. Алексеева Анна Афанасьевна — иитээччи
3. Алексеева Варвара Ивановна — иитээччи
4. Румянцева Анна Константиновна — иитээччи
5. Соловьева Анна Ивановна — санитарка
6. Федорова Анна Петровна — санитарка
7. Шадрина Александра Иннокентьевна — санитарка
8. Прибылых Мария Иннокентьевна — повар
9. Степанова Анна Яковлевна — таҥас сууйааччы
10. Соловьев Афанасий Филиппович — завхоз.

Бастакы дьааһылалар үлэлэрэ

Оҕону дьааһылаҕа 6 ыйыттан ылаллара. Бу оҕолор сарсыарда 8 чаастан,
киэһэ 6 чааска диэри сылдьаллара. Онтон 1 саастарыттан 7 саастарыгар диэри
оҕо нэдиэлэни быһа сылдьара. Дьааһылаҕа күҥҥэ түөртэ анал оҥоһуллубут
меню быһыытынан, бүлүүдэтин уларыта сылдьан, аһаталлара. Нэдиэлэҕэ
иккитэ оҕону баанньыктыыллара. Баттахтарын, тыҥырахтарын кырыйалла-
ра. Дьиэттэн кэлэллэригэр бэнидиэнньиккэ таҥастарын уларытан дьааһыла
таҥаһын таҥыннараллара. Ый аайы оҕолору хайаан да ыйааһынна ыйыыл-
лара. Киэһээ аайы температураларын мээрэйдээн, анал тэтэрээккэ суруйал-
лара. Күҥҥэ иккитэ үөрэтии дьарыгын ыыталлара. Оҕо ыарыйдаҕына тута
бырааһы ыҥыран, көрдөрөн эмп, укуол анатан, дьиэтигэр ыытан эмтиирбит.
Ону таһынан дьааһыла медсиэстэрэтэ бөһүөлэккэ ыалдьыбыт дьоҥҥо барыла-
рыгар быраас анаабыт укуолун оҥороро, ыксаллаах кэмҥэ ыарыһахха быраас
суһал ыҥырыыга сылдьара, бастакы медицинской көмөнү оҥороро. Дьааһыла
медсиэстэрэтэ күҥҥэ хаста да баран укуол онорор этэ. Балыыһа ыытар араас
быһыыларын, атын да дьаһалларын толорорбут. Дьааһыла үлэһиттэрэ би-
ригээдэ үлэтигэр өрүү күүс-көмө буолаллара. Ол курдук фермаҕа ыанньык-
сыт ыарыйдаҕына солбуйарбыт. От үлэтигэр хомус быһыытыгар, дулҕа
кырбааһыныгар субботниктары онорорбут. Бөһүөлэк санитарнай туругар
үлэлэһэрбит. Ыаллар ыраастык туттан олороллорун ирдиирбит, хонтуруоллуур-
бут. Оччотооҕу дьааһыла үлэтэ олус да элбэх үлэлээх, түбүктээх эбит.
Анна Н иколаевна Ат ласова,
1960-с сьшарга Остуойка, Дабаадыма
дьааһьиаларын сэбиэдиссэйэ, медсиэстэрэтэ