Page 477 - Дүпсүн сирэ

сүдүлэр саха чөл олохтоох кэмигэр, бастакыта 1930 сыллаахха, иккиһэ 1931
сыллаахха төрөөбүт дьон этилэр. Ньулдьаҕай саастарыгар сэрии-сут хаһыҥар
оҕустарбатахтара буоллар хайалара да ситэ силгэлээх Дүпсүн дуулаҕаларыныын
тура күүстэринэн тэн нэһиэх эбиттэрэ буолуо. Биэс уонус сыллар бүтүүлэригэр
Саха сирин албан аатырдыбыттар ортолоругар сүүрүктэр Иван Румянцев (I
Өспөх), Татьяна уонна Борис Ивановтар, кынаттаах хайыһардьыт Семен Чер-
ноградскай (Өнөр) ойуччу миэстэҕэ сылдьыбыттара.
Биэс уонус сыллар иккис анаардарытган спорт сайдыытыгар саҥалыы тыын
угуллар маассабай хамсааһын саҕаланыытыгар I Өспөх Чараҥайын ыччата
И.Н.Тарскай (1924—1964 сс.) аата уһулуччулаах тэрийээччи быһыытынан бүтүн
Саха сирин үрдүнэн киэҥ билиниини ылбыта. Убайдарын олугар олорсон, Ин­
нокентий Петрович Ушницкай (Өнөр) 1947 сылтан 1964 сылга диэри маҥнай
оройуон спорткомитетын, кэлиҥҥи 9 сыл устата «Урожай» ДСО республикатааҕы
Советын председателин солбуйааччытынан, Прокопий Прокопьевич Готовцев
(Баатаҕай) 1994—1997 сс. Ыччат, туризм, физкультура уонна спорт аан бастаан тэ-
риллибит Министерствотын министри солбуйааччытынан үлэлээн, республикаҕа
спорт сайдыытыгар кылаатгарын киллэрсибиттэрэ. Билигин Прокопий Готовцев
саҥардыллыбыт «Урожай» ДСО республикатааҕы Советын иилиир-саҕалыыр.
Республикаҕа спорду пропагандалааччылар ортолоругар Иван Петрович Уш-
ницкайы, Петр Семенович Павловы билбэт спорду сылыктааччы баара буолуо
дии санаабаппын. Ити барыта Дүпсүн сирэ-дойдута күүстээх-уохтаах дьон төрүүр
түөлбэлэринэн буоларын кэрэһилиир. Онон үүммүт саҥа үйэҕэ өбүгэлэрбпт ту-
йахтарын хатарар көлүөнэ күүстээх-уохтаах, быыра быһый, кыыда кылыыһыт
ыччат дьон үөскээн, Дүпсүн сирин аатырдыахтара диэн эрэл улахан.
Иннокентий Сыроватскай, журналист

Бастакы олук
Нэһилиэккэ спорт сайдыыта

Тэбиик тэтиэнэх, быһый дьоно

Сүүрбэһис үйэ отутус, биэс уонус сылларыгар Тэбиик, билин ҥинэн Дүпсүн,
нэһилиэгин күүстээхтэрин уонна быһыйдарын тустарынан аҕыйах тылынан
ахтан аһарыахпын баҕарабын. Бу ааттаммыт сылларга улуус үрдүнэн даҕаны
күүстээхтэр, быһыйдар сүнньүнэн ыһыахтарга күрэхтэһэллэрэ. Спартакиада-
лар оройуон н а 50-с сыллар саҕаланыыларыттан эрэ ыытыллар буолбуттара.

Күүстээхтэр
Сүүрбэһис сылларга гражданскай сэрии тэбэн күрэхтэһии да ыытыллы-
бата да бэрт буоллаҕа, Күүстээх Уйбааҥҥа, Күүстээх Куонаанна тэннэһэр
нэһилиэккэ биллэр-көстөр күүстээх киһи үөскээн сылдьыбыта биллибэт. Арай
Дьэһэр диэн улахан тустуулаах киһи үөскээн сылдьыбыта үһү. Кэлин 30-с уон-
417