Page 480 - Дүпсүн сирэ

Ньуурдаах, М.А.Сыроватскай уо.д.а. курдук үтүө спортсменнары иитэн
таһаарбыта. 1948 сыллаах саас Ушницкай Николай оскуола улахан оҕолорун
хайыһарга күрэхтэһиилэригэр Уус Алдан оройуонугар 10 километрдаах
дистанцияҕа 1 миэстэни ылбыта уонна республикатааҕы күрэхтэһиигэ кии-
рэн, 5 километрдаах дистанцияны 22 мүн. 48 сок. кэлэн иккис буолбута. Ити
саас Федорова Настя улууска уонна республикаҕа 3 километрга бастаабыта. Бу
строкалар автордара И. Сивцев 1950 сыллаахха саас оройуонна 10 километ­
рга бастаан баран, республикаҕа 18 километрдаах дистанцияны 1 ч. 20 мүн.
21 сок. кэлэн чемпионнаабыта. Ити улахан оҕолорго этэ. Кэлин улахан дьон
күрэхтэһиилэригэр тыа сирин хайыһардьыттарын ортолорутар реснубликаҕа
икки төгүл бириистээх миэстэлэргэ тикситэлии сылдьыбыта. Биэс уонус сыл-
ларга Дүпсүҥҥэ учууталлаабыт Татьяна Гаврильевна Конникова уонна Агра­
фена Романовна Тимофеева республикаҕа элбэх төгүл чемпионнаабыттара
уонна Татьяна Ушницкая, Августина Никифорова, Матрена Попова, Мария
Горохова, Евдокия Новгородова уо.д.а. элбэх чулуу хайыһардьыт кыргыттары
ииппиттэрэ.

Спорт атын көрүҥнэригэр
1938 сыллаахха Дьокуускайга национальнай байыаннай оскуоланы бүтэрбит,
Аҕа дойду сэриитигэр Арҕаа Германияҕа өлбүт Сивцев Гаврил Федорович диэн
бэйэтин лаппа кыанар, илиитигэр-атаҕар тэтиэнэх киһи оонньоон-көрүлээн
көрдөрбөккө хаалбыта. Гимнастикаҕа, спортивнай снарядтарга үчүгэйдик оон-
ньуура. Брусьяҕа, перекладинаҕа куоска курдук сымсатык оонньоон көрдөрөрө.
Үрдүкү кылаас оҕолоруи ытыыга, гранатаны быраҕыы техникатыгар үөрэппитэ.
Бэйэтэ гранатаны олус үчүгэйдик куһугураччы быраҕара. 1939 сыллаах саас
Дүпсүҥҥэ ытыыга, гранатаны быраҕыыга улахан күрэхтэһии ыытыллыбыта.
Бу күрэхтэһиигэ Хабырыыс гранатанан 73 метри быраҕан маннайгы, Гого­
лев Дмитрий Васильевич 72 метри быраҕан иккис, Сивцев Дмитрий Львович-
Бэчиэт үһүс буолбуттара. Сивцев Гаврил рекорда күн бүгүнүгэр диэри тупса-
рьшла илик. Бу Сивцев Гаврил куобахха үчүгэйдик түһэрэ. Реснубликаҕа биир
биллэр кылыыһыт Николай Кондратьев кылыйбыт туоһугар Сивцев куобах-
таан тиийэрэ. Кини тонуу хаары үрдүнэн олус киэн ник хаар сыатын быспакка
куобахтыыра. Гаврил Сивцев, Афанасий Свешников диэн киһилиин туоһапка
буулдьатын быһах биитигэр аҥаардыы ытарга күрэхтэһэллэрэ.
50-е сыллар саҕаланыыларыгар Белолюбскай Николай Иванович-Хомсо-
муол Ньукулай олус үчүгэй волейболист быһыытынан биллибитэ. Оройуон
сүүмэрдэммит хамаандатыгар кииреэн, республикаҕа хаста да бириистээх
миэстэлэргэ тикситэлии сылдьыбыта. Ол курдук 1952 сыллаах сайын үөрэ-
нээччилэр республикатааҕы спартакиадаларыгар уус алданнар волейболга 1
миэстэни ылбыттара. Биэс уонус сыллардаахха диэри биллэр үчүгэй саахымат-
чыттарынан Соловьев Захар Кузьмич, Рожин Атексей Михайлович этилэр. Бу
дьон нэһилиэк иһигэр күрэхтэһиилэргэ бастын нар этэ. Билин н инэн I разряд
420