Page 112 - Элэс Боотур Бүөтүр Оҕотоойоп

112

Кырбаһан иһэннэр,
Кылааннара сынтарыйан
Кыыраталаан кэбистилэр.
Оботтоох биилээхтэрин
Уһулута тардан ыланнар,
3720 Уһуутаһа-уһуутаһа
Уу дьулайдарыгар
Охсуһан иһэннэр,
Тоһута дайбааннар,
Туорута илгэн кэбистилэр.
Өргөстөөх уһуктаахтарын
Төлүтэ тыытан ыланнар
Ү өгүлэһэ-үөгүлэһэ
Өтөрүтэ түсүһэн иһэннэр,
Үлтүрүтэ кумалааннар,
3730 Үрүө-тараа ыһан кэбистилэр.
Кылана түһэн баран,
Кыһыл илиилэринэн
Кырбаһан киирэн бардылар,
Эккирэһэ түһэн баран
Эт сутуруктарынан
Илдьи эттэспитинэн бардылар.
Балтаанай уус
Балтатын тыаһын курдук
Баллырҕаччы охсуһан,
3740 Өһүк Хара уус
Өтүйэтин тыаһын курдук
Үлтү эттэһэн,
Сүнньүгэ сүллүгэстэһэн,
Оройго охсуһан,
Чабырҕайга дайбаһан
Чын ырҕатыһа турдулар.
Ийэ көлөһүннэрэ
Иэннэринэн иэнигийдэ,
Аҕа көлөһүннэрэ
3750 Арҕастарынан айгыһынна.
Тэгил дойдуттан
Тэҥнээхтэр түбэсиһэн тэмтэҥнэстилэр,
Хол дойдуттан
Холоонноохтор ходьоҥноһон