Page 109 - Элэс Боотур Бүөтүр Оҕотоойоп
P. 109
ЭЛЭС БООТУР 109
Кыыс Ньургун бухатыыры
Үһүө көмөлөөн
Үрүт күүһүн өһүлэн,
Алын күүһүн айгыратан,
Аҕыс уон аҕыста
Ат гыннаран,
Тоҕус уон тоҕуста
3610 Туруйалатан, тобуктатан,
Сэттэ сиринэн
Сиикэй сырҕаннаан,
Уон сиринэн
Оспот ойбон баастаан,
Өлөрөллөрө субу буолан,
Умса-төннө түһэрэн
Эрэллэр эбит аххан!..
Эһэ Хара аттаах
Элэс Боотур обургу
3620 Ону көрө түһээт,
Кыыһырар хаана
Кыынньан барда,
Уордайар хаана
Оонньоон барда,
Көмүскүөх санаата
Күөстүү күллэ...
Икки хараҕын уота
Уоттаах хатат уотунуу
Таҥнары сардыргыы,
3630 Ыраахтан ыһыытыы-хаһыытыы
Ыххайа түрдэрэ истэ.
Элэс Боотур
«Көр бу! Көр бу!
Буор маҥалайдар,
Бурҕалдьы сотолор,
Улуу күтүрдэр,
Уллуҥ сирэйдэр,
Сирэйдээх буолан
Саатыаххыт дуо!
Ити биир кыыс оҕону
