Page 107 - Элэс Боотур Бүөтүр Оҕотоойоп

ЭЛЭС БООТУР 107

Чэгиэн эт сэймэктэммит,
Чиргэл унуох тоһутталаммыт,
Кылгас унуох
Кыдьымах курдук кыйгылланан
Кырыытынан кыстаммыт,
Уһун унуох
Уу аҕалбыт урусхалын курдук
3530 Уһаты-туора ууруллубут,
Көҕүс хаана
Конус урэх курдук
Күрүлүү-харылыы сүүрүгүрбүт,
Хара хаан
Хайдыы үрэх курдук
Халдьыгырыы-кулдьугуруу халыһыйбыт,
Субай хаан
Сиҥнии үрэх курдук
Дьиһигийэ-дьэргэйэ устубут,
3540 Бөлүөх хаан бадарааннаах,
Төбө унуоҕа дулҕалаах,
Моойдоох баһынан
Дьуолка охсуллубут,
Хаалдьыктаах төбөнөн
Хайгыа саайыллыбыт,
Кырыыс бөҕө кыттыспыт,
Муҥ бөҕө буулаабыт,
Дьаныар бөҕө дьайыҥнаспыт,
Ыар ынчык ыҥсалыйбыт,
3550 Дириҥ энэлгэн эҥсэлийбит,
Кырыктаах биилээхтэр
Кырыыларынан кыстаммыт,
Унньуктаах уһуктаахтар
Ойоҕосторунан ууруллубут,
Саабылаан батыйа
Сатала суох дьаарыстаммыт,
Өргөстөөх кылааннаах
Үрүт үөһэ үөмэхтэспит,
Улуйа олорор оһоллоох,
3560 Иһиирэ турар илбистээх,
Оһол уола
Обот соллон?