Page 111 - Элэс Боотур Бүөтүр Оҕотоойоп

ЭЛЭС БООТУР 111

Тэҥнээх доҕор гынарым буолуо.
Биһиги диэтэх дьон
Илиибит эрчимирэн,
Охсорбут уорааннанан,
3680 Тэбэрбит чиҥээн,
Тыыммыт ыараан турар.
Ким да кэллэ диэн
Кэннибитинэн кэхтибэт,
Туох да бэйэлээх туһаайда диэн
Туппуппутун торуппат дьоммут.
Бэйэҕин былдьатаайаҕын,
Олох чугаһыы да сорунума, нойоон», — диэтэ.
Өлөрсөргө үлүһүйбүт
Өлүү уолун үлүгэрдээҕэ.

3690 Эһэ Хара аттаах
Элэс Боотур обургу
Иҥнэн-толлон туруох
Эр бэрдэ буолуо дуо,
Кэллэ да,
Кылааннаах Уһуктаах
Кыыс Ньургуну
Халбарыччы анньаат,
Хахайдыы хапсыбытынан барда.
Охсуһуу гиэнин ороскуоттааҕа,
3700 Кыргыһыы гиэнин кырыктааҕа,
Өлөрсүү гиэнин үлүгэрдээҕэ
Дьэ манна үөдүйдэ.
Үс ини-бии илиэһэйдэр:
«Соҕотох сордооҕу
Сотору соһор инибит», — диэн
НЕ Суулаах эккэ ымсыырбыт
Сутаакы бөрө курдук
Ү гүрэлии-үгүрэлии
Үс өттүттэн
3710 Үлтү сынньан
Үөмэхтэһэн бардылар.
Кырыктаах биилээхтэрин
Кыыннарыттан сыыйыта тардан ылан
Кылана-кылана