Page 28 - Элэс Боотур Бүөтүр Оҕотоойоп

2 6 П. В. ОГОТОЕВ

Суһумнуу көрөн
Сургуллан турдахха:
Соноҕос сылгылар
Субу сырсаары туралларын курдук
Сэттэ мэҥэһик
Сис хайалардаах эбит.
Ол улаҕа өттүгэр
Сибэкки сириэдийбэтэх,
Сэбирдэх тэлимнээбэтэх,
450 Мутукча мунугаабатах,
Муту га кумаламмыт
Мунур хара тииттэрдээх
Кураанах куруҥ тыа
Куугунуу тохто турар эбит.
Ол соҕуруу өттүн
Ситэри сирийэн көрдөххө:
Адаа-быдаа охтубут
Арыҥах мастардаах
Адаар хара тыа буолан
460 Аҥааттан, айгыстан
Бүтэр уһуга биллибэт
Бара турда.
Бу кыыс дьахтар курдук
Кылбаарыйбыт, унаарыйбыт
Кэрэттэн кэрэ көстүүлээх,
Төгүрүмтэтэ түөрт уон көстөөх
Туймаарытта эбэ хотун
Туналыйар туһахтатыгар,
Дьогдьойор саалыгар^
470 Дьуларыйар оройугар,
Килэдийэр киинигэр,
Көмүс ураанньыгар
Көй ньээкэтигэр
Буор хайа саҕа
Багдайбыт баараҕай таһаалаах,
Отут уорҕалаах
Улуу уорук
Кыыма кытыастан,
Күөх торҕо буруота унаарыйан,
480 Күннүктээх сиртэн