Page 27 - Элэс Боотур Бүөтүр Оҕотоойоп

Хайыттаҕас хатырыктаах,
Хардастыгас лабаалаах,
Хатыылаах көтөҕөлөөх,
Хараҥа күлүктээх
Харыйа тыа
Харааран, көҕөрөн
Көстөөх сиртэн
Көстөр эбит.
Ол анараа өттүгэр
410 Адаархай лабаалаах
Аһаҕас төбөлөөх
Аҥаарыма тииттэр
Арыаллаһа үүнэн
Адаарыһан тураллар эбит.
Ол кэтэх өттүгэр
Тулларыттаҕас хатырыктаах,
Лоһуор көмүс туорахтаах
Томороон тииттэрдээх
Киҥкир хара тыа
420 Киҥкинээн киирэн барда.
Холоруктаах хоту өттө
Кундул-хаҥыл сылгылар
Хаһыҥыраһа туралларын курдук
Хоҥорой дьуорсун
Тумуллардаах эбит.
Ол үрүт өттүнэн
Хотоҕор силистээх,
Хоҥнорхой хатырыктаах,
Куодалаах саастаах,
430 Хоҥкугур төбөлөөх
Хохудал хара тииттэр
Хойдон киирэн бардылар.
Ол түгэх өттүгэр
Төптөрү силгиэхтээх,
Түрдэстигэс саастаах
Төҥкөҕөр тииттэрдээх
Түбэ тыа буолан
Түҥкэлийэн түһэ турда.
Содуомнаах- суостуганнаах
440 Соҕуруу өттүн