Page 30 - Элэс Боотур Бүөтүр Оҕотоойоп
P. 30
2 8 П. В. ОГОТОЕВ
Үөтэ олорор
Өтөн кыыллаах.
Кэнники сэргэтэ
Кэрэ бэйэлээх
Кэрэниис ойуулаах,
Кэпсээн кэҕийэ олорор
Кэҕэ кыыллаах.
Киэҥ тиэргэн
Кэтэх өттүн
530 Кэриччи көрдөххө:
Күөйэр-хаайар
Күөкэримэ күрүөлээх,
Далбардыыр-аһатар
Дьаллаарыкы даллаах,
Кистиир-кичимэлиир
Кыакарыма кыбыылаах эбит.
Хонуу өттүн холбуйа көрдөххө:
Куобахтыы оонньуур
Холбороҥ маҥан хонуулаах,
540 Кылыйан кыыралдьытар
Кылбараҥ маҥан кырдаллаах,
Ыстаҥалаан ыллаҥнатар
Ыраас хонуулаах,
Сүүрэр-көтөр
Сүдү сыһыылаах,
Суунар - сөтүөл ү үр
Сүҥкэн далайдаах эбит.
Хайдах дьиэлээх-уоттаах дьон
Сүҥкэн олоҕу сүрүннүү,
550 Огдолуйбат олоҕу
Олороллор эбит диэн
Көпсө ат сылгы
Көлөһүн аллыар диэри
Көбө-саба сүүрэн тиийэр
Күндүл мае күүлэлэригэр
Көтөн түһэн,
Сэтинньи ый
Сэттэ саҥатыттан
Сэттэ эргэтигэр диэри
560 Сэттэ уон сэттэ
