Page 43 - Элэс Боотур Бүөтүр Оҕотоойоп
P. 43
)ЛЭС БООТУР 4 1
1040 Аҕыс былас суһуохтаах
Айталыын Куо,
Орто кыыс —
Аһыныгас санаалаах
Айыы Уйантай,
Кыра кыыс —
Кыыс Чэрэлиин диэн.1
Дохсун тотун,
Барҕа баайын
Баһын атаҕын
1050 Барыллаан көрдөххө:
Ханыылаһан үөскээбит
Хамсыыр хара сүүрүктэрэ
Халтан ойоҕосторо
Хастанан хаалыар диэри
Халыан үгүстүк
Хойдо сатаан баран,
Хайа эмэ дойдуларга
Халыйан тиийбиттэрин
Хамчаатка тонустара
1060 Хардаҕас маһынан
Хайыта тэптэрэн
Хамыйан сии сатыыллар эбит да
Хаматыйан көрбөт эбит.
Үмүөрүһэн үөскээбит
Үргүүк үрүҥ сүүрүктэрэ
Үтүө түүлэрэ
Үрэллэн хаалыар диэри
Үтүмэн үгүстүк
Үөскүү сатаан баран
1070 Үрэх баһын ахсын
Үмүөрүһэн тиийбиттэрин
Өймөкөөн тонустара
Үөл тиит үтэһэҕэ
Үөлэн сии сатыыллар эбит да
Өһүөрүйэн көрбөт эбит.
Кинилэр бэйэлээхтэр
Биирдэ эрэ бэриллэр
Бэртээхэй олохторугар
Хамныыр хара сүүрүгү ханыылаан,
