Page 45 - Элэс Боотур Бүөтүр Оҕотоойоп
P. 45
ЭЛЭС БООТУР 4 3
1120 Саҥардыы саҕаланыыта,
Кистэлэҥ кириэппэһэ буолбут
Киҥкиниир киэҥ халлаан
Эҕэрдэлээх итии тыыннаах
Илин кырыыта
Кырынаас тииһин курдук
Ырдьайа сырдаан эрдэҕинэ,
Уутуттан уһуктаат,
Ойон турда да
Аарыктаах аанын
1130 Арыйа баттаан,
Дьиппиэһиннээх дьиэлин
Тэлэйэ анньан,
Туллук кыыл
Таба тирэммэтэх,
Тобураҕы тохтоппотох
Туналҕаннаах тусаһатын,
Чэлгиэннээх чигдитин
Килэрийэр киинигэр
Эрэһэлээх үүн тиэрбэһин курдук
1140 Икки эрилкэй хараҕынан
Тула өттүн
Көрөн-истэн
Дьэргэлдьитэ турда.
Токко төрөөбүт
Дохсун сүрэҕэ тулуппата,
Баайга үөскээбит
Бардам санаата батарбата.
Туорай маҥаас тумулун
Үрдүк өргөһүгэр тахсан
1150 Сото кэбиһэн,
Өттүк баттанан,
Үс хартыгастаах
Өндөл маҥан халлаан
Үрүт өттүн диэки
Үс өргөстөөҕүнэн
Үҥүү-батас курдук
Өтөрү-батары көрөн,
Өрөөбүт уоһун өһүлэн
Өс кэпсии,
