Page 44 - Элэс Боотур Бүөтүр Оҕотоойоп

4 2 П. В. ОГОТОЕВ

1080 Үргүүк үрүҥ сүүрүгү үөрдээн,
Барҕара байан,
Торолуйа тотон,
Тунах ыһыаҕы туругурдан,
Дэлэй ыһыаҕы дэбилитэн,
Томторҕолуу ойуулаах
Чороон айаҕы чуоҕутап,
Кэрэниистии ойуулаах
Кэриэн ымыйаны кэккэлэтэн,
Баҕарахтыы ойуулаах
1090 Матааччах иһити бааралаан,
Сири иһити сириэдитэн,
Сиэллээх эбир хамыйаҕы дьэргэтэн,
Көйөргө кымыһынан
Күөмэйдэрин чөллөрүтэн,
Саамал кымыһынан
Санааларын сэргэхситэн,
Арыылаах кымыһынан
Айахтарын сайҕанан,
Убаҕастарыгар чачайан,
1100 Хойууларыгар бөтөн,
Халыҥ хаһаны
Хайыта бысталаан
Хаарты оонньоон,
Суон саалы
Туора кырбаан
Дуобат оонньоон,
Мэһэмээн арыынан
Мээчик хапсан,
Баардарыгар бардамнаан,
1110 Тотторугар дохсуннаан,
Талбыттарынан тараҥнаан
Таҕылларын тарҕатан,
Кэдирги байан,
Туора тотон олорбуттар эбит.
Ол курдук
Олус үчүгэйдик олордохторуна,
Убайдара улуу дьаалы
Биир бэртээхэй бириэмэҕэ
Саргылаах сарсыарда