Page 81 - Элэс Боотур Бүөтүр Оҕотоойоп

ЭЛЭС БООТУР 8 1

Аҕыс уон аҕыс
Аһарар албастаах,
Тоҕус уон тоҕус
Куотар кулан-дьай кубулҕаттаах,
Аба-сата санаалаах
Абааһы аймаҕын
Аҥаарыйар ааттааҕа,
Суодайа хара атахтаах,
2520 Содуомнаах сутуруктаах
Соххор бииһин суоруна
Соҕотох атаҕынан
Сото кэбиһэн,
Баара-суоҕа
Биир илиилээҕинэн
Биил баттанан
Биэкэллэн турар эбит ээ,
Дьэ, кини киһи обургу!
Кэргэн ылаары сылдьар киһи
2530 Киэргэнэн аххан кэлбит эбит:
Кэрэх тириитэ кэтинчэлээх,
Укулаат тимир олооччулаах,
Ытык тириитэ ыстааннаах,
Сотуун тириитэ сонноох,
Өлүнньүк тириитэ үтүлүктээх,
Хахай тириитэ хаалтыстаах,
Тимир наҥнаһын сэлээппэлээх,
Киэргэл таҥаһын таһынан
Куйах кэппит
2540 Түөрт кырыылаах
Тимир килиэ киһи
Ириэнэх сири
Иэччэҕин хараҕар диэри
Ибили кэһэн,
Дэриэспэ таас сиргэ
Тобугун хараҕар диэри
Дьөлө дьуоҕаран,
Киэбирэн аххан турарын
Көрөөт даҕань^
2550 [ Эһэ Хара аттаах
Элэс Боотур обургу