Page 82 - Элэс Боотур Бүөтүр Оҕотоойоп

Күүстээх санаата
Көмөгөйүгэр күөстүү оргуйда,
Уолусхан санаата
Уолугун төрдүгэр
Уһулута ойдо,
Иэнин иҥиирэ
Киил мае курдук
Кэдэриччи тарта,
2560 Чоруун мае курдук
Чоноруччу тутунна.
Сүүһүн хаана сүүрэлээтэ,
Муннун хаана буруолаата,
Быччыҥа быһыта барыах курдук
Быыппаһынна,
Иҥиирин тыаһа
Айа кирсин курдук
Лыҥкыныы оонньоото,
Күүс эттэрэ
2570 Көҥүтэ көтөн тахсаары
Сордоҥ балык курдук
Түллэҥнии мөҕүстүлэр,
Сирэйиттэн сиэрэ уота
Сирдьигинии тоҕунна^
Хараҕыттан хатат уота
Сардыргыы саҕылынна,
Икки чанчыгыттан
Күөх төлөн уоттар
Күлүбүрүү умайан,
2580 Өрө салаан тахсаннар
Төбөтүн оройугар тиийэн,
Хотой уйатын саҕа
Кутаа уот буолан
Күүдэпчилэнэ умайдылар.
Өлүү уолун үлүгэрдээҕин
Өһүөннээх хараҕынан
Өтөрү-батары
Өрө көрөн туран,
Өс кэпсии,
2590 Өһөгөй ааҕа,
Үөҕэ-түрүйэ, \