Page 83 - Элэс Боотур Бүөтүр Оҕотоойоп

Субу курдук диэн,
Сугул-игил тыына,
Утуу-субуу кута
Уоһа-тииһэ төттөҥнүү,
Этэн-тыынан эппэҥнэтэ,
Саҥаран-иҥэрэн сатарыта турда.(

Элэс Боотур

«Көр бу! Көр бу!
Аллараа дайды
2600 Ааттаах адьырҕата,
Түгэх дойду
Түрүлүүр түөкүнэ,
Дириҥ дойду
Дьээбэлээх дьиккэрэ,
Сутуруо быатын саҕа соллоҥноох,
Бэргэһэ быатын саҕа мэнэгэйдээх,
Буор сырай,
Бурҕалдьы сото,
Хараҥа айыылаах,
2610 Хааннаах айах,
Хара ыт,
Аллараа дайды
Аппах тарбыйаҕа,
Эйигинньик чиччик
Атаҕастыыр акы киһитэ
Мин дуо, дьиккээр ?
Икки балтыбын
Бэрт түргэнник
Баар гына оҕус!
2620 Биэрбэт буоллаххына,
Умса ууран
Уорҕаҕын тыырыам,
Уодьугаҥҥын
Иттэнэ ууран
Искин хайытыам,
Ээххин этитиэм.
Сибилигин сиэхтээх илиибинэн
Чиккэйэн турар