Page 95 - Элэс Боотур Бүөтүр Оҕотоойоп

Уоран-уккуйан
Аҕала тардыый!
^Хотун эдьиийим,
Күн туллара,
Күһэҥэ быстара буолла,
Көрдөһөр да күттүөннээх,
Ааттаһар да ахсааннаах,
Өлөр-хаалар күммэр
3060 Өрүһүйэ тардыый!^
Оҕуруктаах санаалаах
Уот Уһуму обургуга умсугуйан
Солуута суохха
Сыраҕын бараама,
Кэргэн ылбат буолан
Куота-күрэнэ сылдьара буолуо.
Күүскүнэн кэргэн буолаары
Эккирэтэн эрэйдэнэҕин дуо ?
Киһи кининэн бүппэтэх,
3070 Кэлэ тардыый!» — дии-дии
Абааһы атамаана
Аймана-сулана турда.
Эппит тыла
Этиҥ былыта буолан ньирилээтэ,
Саҥарбыт саҥата
Сата былыт буолан сатараата.
Сыылба киһи
Сытан баран
Туруон икки ардыгар
3080 Тус хотуттан
Хара маҥаас суор хааҕырҕаабытынан,
«Хаан-хаан» диэбитинэн,
Халаахтыы көтөн күпсүйэн кэлэн,
Хаард аах- самыырд аах
Хара былыт үрдүгэр
Хатан дьыбар саҥалаах,
Хара хаан олбохтоох
Хаан Сарахайдаан
Улуу удаҕан дьаалы буола охсон,
3090 Айыылаах-харалаах
Алдьархайдаах аллараа дайды