Page 146 - Олоҥхо биһигэр

саха ыалын үгэһин тутуһан, эйэ дэмнээхтик, быр-бааччы Өлтөх
Арыылааҕар олорон ааспыттара. Олоҥхоһут элбэх сиэннэрэ, хос
сиэннэрэ Өлтөх Арыылааҕар олороллор, үлэлииллэр, үөрэнэллэр.
Данилов Иван Иванович 77 сааһыгар 1968 сыллаахха ыалдьан өлбүтэ.
Мин кыра кыыспын иитиһэн көмөлөспүтэ. Биһиги дьиэ кэргэн ки-
нини умнубаппыт.
А. И. Гоголева, олонхоһут
И. И. Данилов кийиитэ

1.6.32. ГОВОРОВ МИХАИЛ ФЕДОТОВИЧ
Говоров Михаил Федотович олоҥхоһутунан, кэпсээнньитинэн
биллибит киһи. Кини кэпсээниттэн 1924 сыллаахха Гаврил Васильевич
Ксенофонтов «Эллайада» диэн кинигэтигэр «Тыгын уонна Бэрт Хара»,
«Тыгын уолун сыбаайбата», «Тыгын Хоро нэһилиэгин кыргыыта» диэн
номохтору киллэрбитэ биллэр. Михаил Федотович уола Никифор
Михайлович Говоров билигин 80-чатыгар чугаһаабыт кырдьаҕас бу
курдук кэпсиир: «Мин аҕам прогрессивнай өйдөөх-санаалаах киһи
этэ. 4 уол, 4 кыыс оҕолордооҕо. 6 оҕолорун барытын үөрэхтээх дьон
оҥортообута. Билигин мин уонна балтым Евгения Михайловна баар-
быт, кини Бороҕоҥҥо олорор. Аҕабыт эдэр эрдэҕинэ олоҥхолууура үһү.
Остуоруйалары, үһүйээннэри олус элбэҕи билэрэ, уустаан-ураннаан
хоноһолорго кэпсиирин элбэхтик истибиппит. Уолун Филипп Ми­
хайлович аатын Саха сирин дьоно үчүгэйдик билэллэр. Аҕабыт олус
үлэһит, мындыр киһи этэ. Туох да техника суоҕар Махачаайы, Буулаҕан
бааһыналарын тулатын бэйэтэ солообута, бурдук үүннэрэрэ, ыраас
туттуулааҕа, киниэнэ барыта уурбут-туппут курдук буолара. Бурдук
тардарга анаан «бадьайа» диэн таас оҥостубута, онно бурдук тардарбыт.
Дьиэҕэ-уокка оҕолоругар олус ирдэбиллээх этэ».
Ирина Местникова ахтара: «Михаил Федотовиһы мин эмиэ билэр-
көрөр этим. Мэхээлэ элбэх кэпсээннээҕэ, сэһэннээҕэ. Күөл Эбэҕэ Дак-
кы диэн сиргэ олорбуппут. Онно КЭЛЭН ОЛОҤХОЛООН, кэпсээн-ипсээн
барарын, элбэҕи билэрин оҕолор сөҕөрбүт. Ииппит аҕабар, нэһилиэк
суруксута Окоемов Егор Саввич куруутун сылдьара».
М.Е. Колодезникова
Өлтөх — олонхоһуттар түөлбэлэрэ.
Муру саһарҕата. — 1993. — Атырдьах ыйын 24 к.

1.6.33. ЖИРКОВ ПЕТР НАУМОВИЧ-МАҔАН БҮӨТҮЧЭЭН
(1862-1964)

Жирков Петр Наумович-Маҥан Бүөтүчээн 1862 с. төрөөбүт.
1964 с. өлбүт. Кини Өлтөххө эмиэ олоҥхоһутунан биллибитэ. Петр
Наумович туһунан үлэ бэтэрээнэ Жиркова Матрена Михайловна бу

142