Page 150 - Олоҥхо биһигэр

Хаймаах хаһан кэлэрин
Хат-хат кэннибин хайыһан
Халты көрөн испитим —
Хаалдьыгым хайдыаҕынан
Харахтыы сатаабытым да,
Хаарыаннаах атаһым
Хантан ханыаха диэри
Хата, кэлэн биэрбэккэ
Харайыар дьшытын
Хааман испитим баара...
И.А. Охлопков-Туймалыырап
1993 с.

1.6.38. СЭРГЭЭН ИСТЭРБИТ
Лаврентий Петрович 1930 сыллаахха Туола сайылыкка ликпуҥҥа
үөрэҕэ суох оҕолору түмэн үөрэппитэ. Мин кинини кытта аан бастаан
онно билсибитим.
Оччотооҕуга Хос Ампаар оҕо-аймах таптаан оонньуур-көрүлүүр
сирэ этэ. Хонуута ырааһа, көнөтө, киэҥэ киһини угуйарга дылыта.
Чугастааҕы Бугуйас, Түҥүр Ыйаабыт, Тураҕас сайылыктартан ыччаттар
мустарбыт. Күнүһүн сөтүөлүүрбүт, киэһээтигэр илии-атах оонньуу-
тун: кылыйсыыны, ыстаҥалааһыны, куобахтааһыны, буурдааһыны,
сырсыыны, мае тардыһыытын, онтон да атын күрэхтэһиилэри тэ-
рийэрбит.
Лаврентий илии-атах оонньууларыгар саастыьшаахтарын бары-
ларын кыайталыыра. Сымса, сытыы-хотуу, сэргэх, күүс да өттүнэн
кыанар уол этэ. Ол да иһин буолуо, ыччаттар ортолоругар убааста-
нара, сөбүлэтэрэ.
Оҕо эрдэҕиттэн самодеятельноска, Прибылых Роман Петрович
салайар концертарыгар көхтөөхтүк кыттара. Ырыа ыллыыра, хоһоон,
чабырҕах ааҕан субурутара, оһуокай тылын этэрэ. Мустубут дьон
биһирэбилин, ытыс таһыныыларын үгүстүк ылара.
Сааһырыытыгар олоҥхоһута ордук биллибитэ. Олоҥхо сирин-
дойдутун, айыы, абааһы бухатыырдарын уобарастарын өйүттэн айан
ойуулаан, уустаан-ураннаан хоһуйарын киһи истэ олоруох курду-
га. Быһа тардан хомоҕой баҕайытык ааҕан, ыллаан-туойан барара.
Тыла-өһө, саҥата-иҥэтэ доллоһутан чуолкайын, кырдьыкда, сэргээн
истэрбит.
М. Т. Прибылых
1988 с.

146