Page 151 - Олоҥхо биһигэр

1.6.39. «КУСТУК» ФОЛЬКЛОРНАЙ АНСАМБЛЬ
1983 сыл атырдьах ыйын саҕана Лаврентий Петрович Новогодин
миигин уонна Роман Прибылыҕы дьиэтин таһыгар көрсө түһэн баран:
«Уолаттар, ансамбль тэринээри гынабын, онно эһиги кыттыҥ эрэ», —
диэбитэ. Ону биһиги утарсыбакка: «Чэ, боруобаланан да көрүөххэ син,
эн бэйэҥ салайыаҥ буоллаҕа», — дэспиппит. Ити итинэн хаалбыта.
Онтон күһүн алтынньы ыйга 5-6 киһини дьиэтигэр мунньан, бэйэтэ
суруйбут «Күн Эрили бухатыыр» олоҥхотун туруорарга сүбэлэспиппит
уонна оруолларын үллэстибитинэн барбыппыт.
Лаврентий Петрович быһаарыы тылы этээччи уонна Аан Дуу-
ралдьын оҕонньор ырыатын толорбута. Мин — Күн Эрили бухатыыр
ырыатын, Мария Соловьева — Айыы Далбардаах эмээхсини, Дми­
трий Алексеев — абааһы бухатыырын, Роман Прибылых — Суол
иччитин, Күн Тэмиэрийэ оруолларын, ырыаларын толортообуттара.
Репетицияны расписание быһыытынан бэйэтин дьиэтигэр ыытара.
Мин биир суолу бэлиэтиэхпин сои. Кини бэйэтэ олус хомоҕойдук,
биирдэ кэлэҕэйдээбэккэ, уу сүүрүгүн курдук доллоччу, куллугурач-
чы, киһи иһиттэр истиэн курдук ааҕара. Кини курдук олоҥхо тылын
этээччи билигин суох диэхпин баҕарабын. Үөрэтээччи, салайааччы
быһыытынан биһиэхэ — толорооччуларга үрдүк ирдэбиллээх этэ.
Таҥаһын-сабын төһө кыайарбытынан олоҥхо ис хоһоонугар сөп
түбэһиннэрэн бэйэбит оҥостубуппут. Олоҥхону бэлэмнээн баран, аан
маҥнай дойдубутугар тохсунньуга Дүпсүн сценатыгар туруорбуппут.
Онтон 1984 сыл муус устарга оройуоҥҥа фольклорнай коллективтар
күрэхтэһиилэригэр кыттан көрдөрбүппүт. Онно маҥнайгы миэстэни
ылары ситиспиппит уонна грамоталарынан, сыаналаах бэлэхтэринэн
бириэмийэлэммиппит.
1984 сыл алтынньы ыйга Саха АССР культураҕа министерствотын
научнай-методическай киинин ыҥырыытынан телевидениеҕэ уһуллу-
буппут, телевизорынан көрөөччүлэр махталларын ылбыппыт.

П.Д. Прибылых

1 .6 .4 0 . О Л О Ҥ Х О Һ У Т БАЛБААРА
(1898-1974)

Ийэм оҕо эрдэҕиттэн олоҥхоһуттары олус сэргээн, оҕоттон эрэ
уратытык болҕойон истэр эбит. Онтон 14-15 сааһыттан соҕотоҕун
тыаҕа бултуу сылдьан, окко үлэлиир кэмигэр ис-иһиттэн уйуһуйан
ыллыыр идэлэммит. Ол кэннэ олоҥхоһут оҕонньоттору эккирэтэ
сылдьан истэр, кинилэр ырыаларын үтүктэн ыллыыр, туойар буол-
бут. Ити ыллыырын-туойарын билэннэр дойдутун кырдьаҕастара:
«Бу Хабырыыс кыыһа дьикти оҕо төрөөбүт. Куолаһа эчи чөллөркөйө,
ырааһа, ырыатын тыла-өһө чуолкайа, ыпсарыылааҕа... Кэлин улахан

10- 147