Page 143 - Олоҥхо биһигэр

дэ куоратчыт быһыытынан Дьокуускайга маҕаһыыннары кэрийэн
атыылаһа сылдьыбыт. Ханнык эрэ маҕаһыыҥҥа сүрдээх уочараттаах,
киһи тыына-быара ыгыллар үтүрүйсүүтэ буолбут. Өлүү түбэлтэлээх,
ыраахтан үтүрүйэн аҕалан Уйбааны таас витринаҕа ыга аспыттар,
хантан да тутуһар сир суох буолбут. Уйбаан арай таас витринаттан
анньыммытыгар витрина тааһа куруппа курдук бытарыс тына түспүт.
Дьон ыгара соҕотохто аҕырыс гыммытыгар « Бу кини алдьатта» диэн
Уйбааны ыйбыттар. Оруобуна милииссийэ баар буолбут, Уйбааны ту-
тан ылбытгар. Дьэ уонна нуучча милииссийэ уолаттара ыган-ыххайан
барбытгар. Уйбаан буоллаҕына нууччалыы «чоот» да диэни билбэт киһи
буолан биэрбит. Ыксал бөҕө буолбут. Кэлэҕэйдии-кэлэҕэйдии: «Норуот
талкамаанньа, өстүөкүлэ быраппаал», — диэн нууччалаабытыгар күлүү
бөҕөнү күлэн баран, ыытан кэбиспиттэр. «Киһи ыксаатаҕына хайа да
омуктуу быһаарсыыһы быһыылаах», — диэн күлэрэ.
Оҕону кытта оҕо, оҕонньору кытта оҕонньор, өрүү күлэ-үөрэ, дьээ-
бэрэ сылдьар, бэрт сымнаҕас майгылаах, ачыкытын үрдүнэн өҥөйөн
көрө сылдьар, моонньугар сөрөммүт солко хаалтыстаах оҕонньор этэ.
Уола Андрей Иванович ыаддьан өлбүтүгэр оҕонньор бэйэтэ унуох
туппута. Андрей Ивановичтан биир кыыс оҕо хаалбыта. Ол кыыһа, Га­
лина Андреевна диэн улуустааҕы поликлиникаҕа педиатр-врач.
Өксүүтгэн хас да оҕо хаалбыта: Февронья Константиновна Давы­
дова (Бурнашева), Константин Константинович, Иван Константинович
Бурнашовтар бары спортсменнар, оройуон чиэһин улахан түһүлгэлэргэ
көмүскээбит дьоннор.
И.А. Охлопков
1993 с.

1.6.30. УЙБААНАБЫС ОҔОННБОР
Мин кинини аан маннай 1945 сыллаахха Орто Эбэҕэ кыайыы
ыһыаҕар көрбүтүм. Ол ыһыахха кини алгысчыт, биһиги активист пионер-
дар киниэхэ арыалдьыт буолбуппут. Үөрүүлээх миитин саҕаламмытыгар
трибуна анныгар туран Советскай Союз гимнин толорбуппут. Ол
кэнниттэн ыһыах аһыллыытыгар оҕонньор алгыыр кэмигэр 9 уол, 8
кыыс кинини уҥа-хаҥас өттүгэр турбуппут. Билигин курдук үҥкүүлээн
доҕуһуоллууру сатаабат этибит. Оччолорго уот оттон, ас биэрэр бобуу-
лаах буолан, көннөрү кымыһы баһан ылан, ыһыахтааһынынан алгыһы
түмүкгээбитэ. Ол айымньыта хойут норуот ырыаһыггарын 4 чаастаах
хомуурунньугар тахсыбыта. Онтон кэнники 1951 Күөл Эбэҕэ көһөн тии-
йэн, онно окко үлэлии сылдьан кинини кытта билсибитим. Олонхоһут
буолан омуннаах кэпсээннээҕэ. Хайаҕатта алааска төрөөбүтүн, бэйэтэ
элбэх оҕолооҕун истибитим. Кыргыттара бары кэргэннэнэн, оҕолонон
онно-манна тарҕаспьптар. Соҕогох уола Ефим Иванович ыарыһах этэ.
Маслопромҥа арыы тутааччынан, онтон Мичурин аатынан колхозка
почтальонунан, кэлин «Победа» совхозка көтөр ферматын сэбиэдис-
сэйинэн үлэлээбитэ.

139