Page 15 - Алаатыыр Ала Туйгун. 2-с үйэтэ

Айгыр-нуоҕас буоллун,
Орто дойдулуу
Тус иннибэр
Дорообото тут!
Хайа дойдум хапчаҕайыгар
Хаҥыл наадаҕа,
250 Харбааттаах сырыыга түбэһэҥҥин,
Халыаннык айаннаан,
Халыһытан истэххиний,
Туох дойду дьулайыгар
Суһал сорукка,
Сонун наадаҕа
Дьулуһан тиэтэйэн,
Судургу түһэн,
Дьулуруйан истэххиний!
Соноҕоһуҥ оҕото
260 Чучураан соҕус эбит, •
Суолгун сыыһа бараҥҥын,
Тумарар мунан ҥын,
Тэхтиргэ тэптэрээххиний!
Атыҥ барахсан
Ахсыма бэрт эбит,
Аартыккын алҕас бараҥҥьтн,
Араскаакка ыллартараайаҕын!
Туох наадаҕа
Туһаайан иһэр сиргин
270 Чобчу* кэпсиэн кулу.
Суолгун ылсан,
Ыллыккын-аартыккын
Ыҥыра турар гына,
Ыйан биэриэм этэ.
Бу дойду
Аҕыс уон аҕыс араскааттаах
Анысхааннаах аартыктарын
Аҕыс тарбаҕым курдук
Аахпыт аххан бэйэкэм,
280 Тоҕус уон тоҕус
Кубулҕаттаах
Добун силлиэлээх
Тоҥ муус байҕалларын
Мултуйар уһуктартан,
Мугурданар улаҕаларын,
Бука барытын

11 -