Page 109 - Сергей Васильев. Хоһооннор, поэмалар

Ырай сирин көмүскүүр,
Ыстыык-өргөс иилиммит,
Ыччаттарбын эҕэрдэлээ!
Дьэ эрэ,
Хобо чуораан тыаскынан
Куйаар баһын оонньотон,
Сибэккини сэргэҥнэт,
Сиһи-тыаны үҥкүүлэт;
Ыркый ойуур быыһыгар
Ымыы чыычааҕы көҕүлэт;
Ыраас халлаан үрдүттэн
Ыйы, сулуһу иһиллэт;
Өрүс баалын өрүкүтэн,
Өрө күүрдэн үллэҥнэт!
Дьэ эрэ,
Аҥааттар Лена хочотугар,
Алаас-сыһыы толоонугар
Көрүлүүр эдэр ыччатгары
Көҕүлээҥҥин, доҕоччугуом —
Күөрэйэр-дьиэрэйэр тойугун
Көмүс ыраас тылларын,
Күндээр халлаан күөнүттэн,
Күлүмүрдүү саккырат!

Дьэ эрэ,
Баараҕай айан суолунан,
Барабаанныын бараалаһан,
Барааттаһа хаампычча,
Кэтит айан суолунан,
Китээрэлиин сиэттиһэн,
Кэккэлэһэ испиччэ ---
Аһа-чанчыга маҥхайбыт,
Аар тойон аҕабыныын,
Аал уотун иннигэр,
Атах тэпсэн олороҥҥун,
Күрэҥсийбит баттахтаах
Күбэй хотун ийэм
Иэримэ дьиэтин иһигэр
Иннигэр киирэн олороҥҥун,
Аҕыс уонча араастаах
Айаар-чаҕадн ырыаҕынан,
103