Page 145 - Сергей Васильев. Хоһооннор, поэмалар

Өлөрсүү хоиуутугар тиийэ охсон,
Өстөөхтөр|ү кытта
Өргөһүнэн үтүрүһээри,
Садьык кырдалыгар тиийэ охсон,
Саастаахтары кытта
Саасканан далайсаары,
Мин эмиэ, кинилэр курдук,
Мэҥилдьитэн иһэбин...
Оксиэ,
Тиҥиниир тимир хара көлөккөм,
Тибийэн түһэн, түргэҥҥин даҕаны!
Аара турар киһи сирэйэ
Арсыын саҕа кэтириир,
Көнө дьцргыл остуолба
Көстөр-көстүбэт элэҥниир.
Көтөр к)үлүөс чыычааҕы
Көстөөх сиргэ быраҕан,
Күлүр-күлүр күкүйдүҥ;
Хара сахсас турааҕы
Ханна эмэ хаалларан,
Хатыс быалыы субулуннуҥ!

Улуу Аҕа дойдум
Улахан айанын суола,
Үөскээбит ,үтүө кыраайым
Үөрүүтүн өрөһөлүү таспытыҥ иһин;
Элэйбэт тимир ыллыккар
Ийэм-аҕам көлөһүнэ иҥмитин иһин,
Эйигин эмиэ көм.үскэһэ
Мин баран иһэбин...

Дьэ кытаат, —
Күлүгүрүүр көлөһө атахтаах,
Күндү тимир паровоһум, —
Көстөөх сирдэри
Көрүөх бэтэрээ өттүгэр күлүҥнэтэн,
Элбэх нуораттары
Этиэх икки ардыгар элэҥнэтэн!
1944 с.