Page 182 - Сергей Васильев. Хоһооннор, поэмалар

Тэһиттибитин иннйгэр
Тиҥэһэбит тириитинэн
Тэрэпиэнэ эдьиийбит
Чэйдиэх икии ардыгар
'Гигэ охсон биэриэҕэ!
П]1уо-оһуо оһуокай,
Эһиэ-эһиэ эһиэкэй!
Үстүүрүгэ салаалаах
Үкэр окно үктэнэн
Өрө көтөн иһиэҕиҥ!
Чээлэй-солко кырыстаах
Дьирбии буорга тирэнэн
Дьиэрэҥкэйдээн биэриэҕиҥ!
Калхозтарбыт кыайыытынан
Хоһооммутун хоҥкунатан,
Хоодьоҥ үктээн иһиэҕиҥ!
Ыстаалларбыт тыаһынан
Ырыабытын лыҥкынатан
Ыллаҥ үктээн биэриэҕиҥ!
Оһуо-оһуо оһуокай,
Эһиэ-эһиэ эһиэкэй!
Охсуолаатар уйарҕаабат
Улуу тумултан тирэнэн
Омуннаахтык ойуоҕуҥ!
Тгтилэхтээтэр ньиргийбэт
Тэхтир сиртэн тирэнэн
Тэтимнээхтик тэйиэҕиҥ!
Оһуокайбыт баалыгар
Оронньордуун кэллинэр,
Эһиэкэйбит эҥэригэр
Эмээхсинниин киирдинэр!
Оһуо-оһуо оһуокай,
Ьһиэ-эһиэ эһиэкэй!
Үҥкүүлэрбит дьиэрэйэн
Үрэх ыалын үмүөрүттүн,
Тойуктарбыт дуораһыйан
Толоон ыалын тоҕуоруттун!
Унаар сыһыы аайыттан
Уолаттарбыт муһуннунар,
Кырдал толоон аайыттан
Кыргыттарбыт кэллинэр!
Оһуо-оһуо оһуокай,
Эһиэ-эһиэ эһиэкэй!
176