Page 186 - Сергей Васильев. Хоһооннор, поэмалар
P. 186
Ньидьилдьийэр киэптэнэн
Ньиккирэччи мөҥүрээтэ...
Бар хара дьаҕыллаах
Баараҕай атыыр сылгыбыт
Илгэ сирэм күөхпүтүн
Исках курдук кирбийэн,
Бачыстыгас куҥнанан
Барылаччы кистээтэ,
Тыехачыйар таһааланан
Тырылаччы тыбыырда.
Оһуо-оһуо оһуокай,
От .ньүөгү кырыска
Ойон-тэбэн оонньуоҕуҥ!
Толоон-толоон аайытын
Туораах кулун тоҕуоруйда,
Үрэх-үрэх аайытын
Үскэл-ньирэй үмүөрүстэ.
Ураа лаҥкыр муостаахпыт
Ойоҕоһунан үтүрүһэн,
Сыспай хара сиэллээхпит
Сыбарыһа аалсыһан,
Муҥур алаас муҥунан
Мунньустаахтаан хойунна,
Тараан үрэх баһынан
Тарҕанаахтаан үөскээтэ.
Чэйиҥ эрэ, сэгэрдэр,
Чиэппэр кумах дьирбиилээх
Чээлэй ийэ буордарга
Дьиэрэҥкэйдээн иһиэҕиҥ!
Суһал атах оломноох
Сулбу түһэн иһиэҕиҥ,
Көмүс атах оломноох
Көтө түһэн биэриэҕиҥ!
Аан Ийэ дойдубут
Ача күөх отугар
Арҕастана улаатан
Аҕам ынах түөттүүрдэннэ;
Туой ийэ буорбут
Тор|>о күөх отугар
Торолуйа улаатан
Туҥуйбут этэттэннэ.
180
