Page 187 - Сергей Васильев. Хоһооннор, поэмалар

Симиин хойуу сүөгэйбит
Сэппэрээтэргэ сирилээтэ,
Кыынньа буспут ымдааммыт
Кытыйаҕа кырылаата.
Эһиэ-эһиэ эһиэкэй!

Тарбахтарбыт төбөтүттэн
Чаачардыы тардыһан
Дайан-ойон иһиэҕиҥ!
«Соболоохпут» колхоһун
Оомуорускай оҕуһа
Айаатаабыт дуораана
Аһыакайбыт быыһынан
Лоҥкунуура буолаарай,
Аһыа-аһыа аһыакай!
Эмээрийэ эмээхсин
Эриэн ынаҕын үүтүн
Эрийэр күөччэҕин тыаһа
Эһиэкэйбит быыһынан
Иһиллэрэ буолаарай,
Эһиэ-эһиэ эһиэкэй!
Алаапыйа эмээхсин
Аҕам ынаҕын арыытынан
Алаадьылыыр сыттара
Алар тыаны үрдүнэн
Аҥылыйара буолаарай,
Аһыа-аһыа аһыакай!

Унаар сайын чаҕылыгар
Уйгу быйаҥ олохтонно диэн,
Араҕас маҥан хонуубутугар
Ас-чаллараҥ тардыльгнна диэн,
Омоҕой эһэбит уруйунан
Улуу түһүлгэ олохтонно,
Эллэй эһэбит үгэһинэн
Эриэн ситии тардылынна.
Эһиэ-эһиэ эһиэкэй,
Оһуо-оһуо оһуокай!
Аҕам ынах арыытынан
Аллаах атыыр соноҕос
Атаралыыр гына арыыланан,
Бастыҥ ынах арыытынан
Бадьара дьоруо соноҕос
181