Page 188 - Сергей Васильев. Хоһооннор, поэмалар
P. 188
Батыччахтыыр гына арыыланан
Хөйүү-саамал кымыспыт
Көмүстээх көгүөр айахха
Күрүлүү көөймүтүн иннигэр,
Симэхтээх симиир иһиккэ
Сирилии кутуллубутун иннигэр,
Күөх сибиэт х-онууга
Күөччэхтээн төгүрүйэн,
Көлүөһэлээн эргийэн
Көттөр көтөн биэриэҕиҥ.
Оһуо-оһуо оһуокай,
Оһуокайдыыр оһуокай!
Аҕа дойду сэриитигэр
Айдаан, дарбаан иһинэн
Кутаа уоту чиэрэстээн,
Куйаардары уҥуордаан —
Аармыйабыт иннигэр
Араҕас дьэҥкир арыыбыт
Айыы тыына буолтун иһин,
Үрүҥ тунах илгэбит
Өлбөт мэҥэ буолтун иһин,
Эриэ-дэхси тураммыт
Этэн-тыынан иһиэҕиҥ,
Түмсэн-мустан тураммыт!
Төбүрүөннээн оонньуоҕуҥ!
Кэрэ-билэ доҕоттоор!.
Кэчигирэһэн тураммыт
Кэлэр даҕаны өттүгэр:
Сиэр биэбит кымыһа
Симэхтээх сири иһиккэ
Сирилэччи сүүрдүн диэн,
Көгөччөр биэбит кымыһа
Көмүстээх көҕүөр айахха
Күрүлэччи көөйнүн диэн
Көхө көмүс тарбахпытынан
Күлүүстэһэ тутуһан
Күөх томтор толоонтго
Көтөн-ойон биэриэҕиҥ!
Эһиэ-эһиэ эһиэкэй,
Эһиэкэйдиир эһиэкэй!
182
