Page 191 - Сергей Васильев. Хоһооннор, поэмалар
P. 191
Кыппайдыыра хаардарбыт,
Оноо куобах соннорбут
Ойуттубут иһинии,
Уулан быһыттан баранна,
Оһуо-оһуо оһуокай!
Мотуок оолко мутукча
Муораҕа тиийэ нусхайда,
Сиэрэй солко сэбирдэх
Сииктэҕэ тиийэ тэтэрдэ,
Чаалай солко лабыкта
Тааска тиийэ тарҕанна.
Маспыт-юппут төбөтүгэр
Мандаар ойуу баалынна,
Төхтүр сирбит сирэмэ
Төбөлөнөн нуоҕайда,
Кырдал сирбит ачата
Кылааннанан долгуйда.
Эһиэ-эһиэ эһиэкэй,
Эһиэкэйдиир эһиэкэй!
Устаката биллибэт,
Улаҕата көстүбэт,
Унаар үтүө сыһыыбыт
Үрдүк тыатын кытыытыгар
Үтүө атыыр оҕуспут
Үгүс үөрүн үмүөрэн
Үллэ-үллэ айаатаата,
Лиһир-лиһир ыадайан
Лиҥкинэччи 'мөҥүрээтэ.
Оһуо-оһуо оһуокай,
Оһуокайдыыр оһуокай!
Ачаланан аҥаарыйар
Араҕас кырдал үрдүгэр,
Локуоранан долгуйар
Толооннорбут иһигэр
'Гураҕас дьоруо атыырбыт
Тула үөрүн хамыйан
Барылаччы кистээтэ,
Тырылаччы тыбыырда.
Эһиэ-эһиэ эһиэкэй,
Эһиэкэйдиир эһиэкэй!
185
