Page 266 - Сергей Васильев. Хоһооннор, поэмалар

Күн уота
Күүһүрэн кэлбит,
Уоттаах куйаас
Улаатан түспүт.
Элгээн уута
Итийиэх курдук буолбут,
Кыйдам кумах
Кытарыах курдук буолбут.
Кынаттаах аймах
Кыһалҕаҕа киирбит,
Көтөр аймах
Көҕүрээри гыммыт,
Туппут уйалара
Тоһутта хаппыт,
Сымыыттаабыт сымыыттара
Сырылыы буспут.

Онтон уолуйан,
Түүннэри-күннэри
Төттөрү-таары аамайдаммыттар,
Күөллэри, хонуулары үрдүнэк
Күүгүнүү көппүттэр.
Ыксаан-быстан
Ыһыытаһан ыҥырсан,
Хаалан-сүтэн
Хаһыытаһан, хамыһан,
Хонуу көтөрүнүүн,
Уу көтөрүнүүн
Уопсай мунньах оҥорбуттар.
Моонньоҕоттор
Мустан күөкэҥнэспиттэр,
Хаастар
Хаамсан ханалдьыспыттар,
Чөкчөҥөлөр
Чөмөөр чүөчэҥнэспиттэр,
Кыталыктар
Кыттан кылбаҥнаспыттар,
Кубалар
Хойдон хотоҥноспуттар,
Туруйалар
Чуоҕуһан чолбоодуспуттар,
Угүрүөлэр
260