Page 267 - Сергей Васильев. Хоһооннор, поэмалар

Үөмэн өҥөҥнөспүттэр,
Тураахтар хаамсан
туораҥнаспыттар,
Мэкчиргэлэр кэтэһэн
мэлээриҥнэспиттэр.
Сөрүүн сири булар
Сүрдээх улахан
Сүбэ буолбут...
«Бары көтөртөн
Бастыҥы талан
Көмүс сымыыт сытыйбат
Көй сөрүүн салгыннаах
Күндү дойдуну
Көрдөтө охсуохха!» — дэһиспиттэр.
Сарсыардаттан сааҕьгааспыттар,
Күнүстэри күүгүнэспиттэр,
Матыспакка маргыспыттар.
Элиэлэр
Иҥэрсийэн. кэпсэппиттэр,
Чаччыгыныардар
Чаачыгыраһан саҥарсыбыттар,
Хаас аймах
Харса суох халдьыгыраабыт,
Туруйа аймах
Тохтоло суох чугдаарбыт,
Муҥура суох саҥалаах
Мороду обургу,
Омуннана-омуннана,
Уһуннук моргуйбут.
Ол тухары
Тойон дизни туруорбатахтар,
Тустаах дьүүлү таһаарбатахтар.

Мэкчиргэ муҥнаах
Миигин талаайаллар диэн,
Үрдүк маска ыттан
Өҥөҥнөөн көрө олорбут;
Тураах эрэйдээх
Тойон оҥороойоллор диэн,
Турулуччу көрө-көрө,
Туораҥныы хаампыт.
Араҕас дьүһүннээх,
261