Page 420 - Сергей Васильев. Хоһооннор, поэмалар
P. 420
Өйгүнэн-санааҕынан өстөн,
Сүрэххинэн-быаргынан сүгэлэн!
Илистибит бассабыыкка
Илиини уунума,
Доҕолоҥнообут хомойууска
Торуоска буолума!
Былтарыйбыттарын быһыта баттаа,
Чорбойбуттарын туурута баттаа!
Охтоору 'луралларын
Умсарыта ас!
Түһээри сылдьалларын
Туҥнэритэ көт!
Кыһыл тылгынан
Кытар-наҕар!
Кыайбыт-хоппут ааттанан
Кыыһа тэтэ(р!
Иһит, өйдөө,
Ийэҥ, аҕаҥ тылын,
Эккин, сүрэххин, хааҥҥын!
Эккэр иҥнин
Эмп'ит үүтүҥ!
Хааҥҥар хааллын
Хахай ууһуҥ!»
Дии-дии салҕалаата,
Титирии- тигирии быластаата.
Холуочуйбут Кубаача
Хоолдьугун босхо ыһыктан,
Хос ааныгар
Куоҕайан олордо .
Аймаммыт-долгуйбут Чалыыма
Атаҕын нэһиилэ соһон,
Осдуол аттыгар
Аҕылыы, алтахтыы сырытта.
Халыҥ хаһанан
Хабарҕаларын аҕыныахтанан,
Куһуок чохоонунан
Куттахтарын сөрүүкэтэн,
Олоро-сыта түһэн,
Уоскуйбута буолаат,
Үөл-дьүөлгэ туран,
Өһөн олорон аһаат,
414
