Page 421 - Сергей Васильев. Хоһооннор, поэмалар

Иһиллии-иһиллии
Ибир-сибир кэпеэттилэр,
Тохтуу-тохтуу
Тугу эрэ таҥыалластылар:
— Улахан хасыапкаҕар
«Уһун кулгааҕы» көлүнэн,
Ыккын сыарҕаҕар
Ымыы, харабыл оҥостон,
Сарсын тура куораттаа,
Саараама, суһаллык айаннаа.
- Ол тоҕо эмиэ ыттанным,
Уоттуу эмискэ ыстанным?

— Кэбис саҥарыма,
Кэми-күнү тардыма!
Өлүү симиэт аанньала
Өҥөйөн эрэр буолбат дуо?
Оҕобут Өлөксөй илиитин
Уунаары гынна буолбат дуо?
Икки хааһахха уган,
Ийэҥ таҥаһын биэриэхтшт,
Сонору, быыс булан,
Сорох иһити киллэриэхпит.
Оҕом, этэҥҥэ тиийдэххинэ,
Уйбаан аҕабыт кыыһыгар
Оггпуруоска туттараар.
Ыалга сырыттаххына,
Ыккын, таһырдьа сыарҕаҕар
Ымыы буолуо, сытыараар...
...Саһыл тыһыттан,
Саарба уорҕатыгтан
Ордуктарын талан уктубут,
Ону көрө сылдьаар, оҕобут.
Иһитгэриҥ кыһыл көмүстэр,
Иһиллибэтэх, бүүс-б|үтүннэр.
Киһи-хара буоллаххына
Кэргэҥҥэр бэлэхтээр,
Байдаххына-тайдаххына
Барытын кэккэлэтээр.
Отутча-сүүрбэччэ киһиэхэ
Остуолга ситэ тиийиэҕэ.
Сороҕун манна кистээн көрүллүө,
Сорбут эбит, ханна эрэ көмүллүө.
415