Page 86 - Сергей Васильев. Хоһооннор, поэмалар

* * *
Сталин, кэрэтиэн хамыһы тардыахха,
ЫһыахХа мунньустан эһиэкзй этиэххэ.
Күөх сирэм кырыска көҥүллүк дайыахха,
Күүрээннээх ырыаны дьиэрэтэн иһиэххэ.

Дьэ тахсан ыллыаҕыҥ Тиксииттэн, Алдантан,
Сиэттиһэн көтүеҕүҥ Бүлүүттэн, Дьааҥыттан.
Хотугу хоһоону иһиттин грузин,
Иһиттин белорус, эстонец, армянин...
Урукку иччитэх хайабыт кэтэҕэр
Балаакка, үрүҥ муос дуобаттыы, элбээтэ.
Радио ол тайҕа киэлитин эймээтэ,
Сүгэбит киил маска тыастаахтык ыллаата.
Артыаллаах булчуттар хайыһар тэбэннэр
Арыы тыа быыһынан. элэҥнээн иһэллэр,
Киэҥ тайҕа киэлитин ырыанан эймэтэн,
Бу курдук тойугу дуораччы туойаллар:

«Сымнаҕас көмүспүт
Сыанаҕа турдун! — диэн,
Советскай Союзпут
Симэҕэ буоллун! — диэн,
Өстөөҕү өһөрөр
Өргөһү күүртүн! — диэн,
Кылааннаах түүлээҕи
Кыһанан бултуубут.
Наада дуо билигин,
Суорҕаны тигэммит
Тоҥ мууһу үллүммүт,
Сааһыгар ирбэтэх,
Хотугу полюһу
Ууллара сабыаБЫ?!
Сиэгэнтэн, бэдэртэн
Саахымат ойуулаах,
Көһунэн усталаах
Серүёну тигэммит
Буурҕаны-силлиэни
Хаххалыыр арҕастаах,
Хайаны үрдүнэн
Бүрүйэ тэлгиэҕи?!»
ьо