Page 87 - Сергей Васильев. Хоһооннор, поэмалар

Кыраайбыт биһиэнэ — бу түүлээх завода,
Көп-күндү кылааннаах иитиллэр уйата!
Ол иһин. эйиэхэ эҕэрдэ этэбит,
Ол иһин баараҕай баһыыба биэрэбит!

* * *
Бу уйгу быйаҥнаах унаар күөх кыраайбыт
Муҥутаан, күн аайы барҕара сайынна...
Анныгар үрэхтээх бэс ойуур быыһыгар
Курорту, сынньанар дьиэлэри астыбыт.

Лөглөйөр бэс арыы диэкиттэн салгыйар
Мутукча сымала сыттарын истибит;
Көхсүгэр күн уотун оэнньото долгуйар
Күндээрэр Ленаҕа сөтүөлүү киирдибит.

Биһиэхэ оскуола, институт аһыллан,
Эдэркээн ыччаппыт элбэхтик үөрэнэр,
Наука кыайыытын. дьаарыстыы уураннар
Кирилиэс оҥостон дабайан иһэллэр.

Бу сиртэн кырыыстаах хараҥа кыйданан
Дьэ күммүт күндээрдэ, харахпыт сырдаата.
Урукку кэлэҕэй бэйэбит тылланан
Билигин саҥабыт сатаны аймаата.
Кэрэтиэн Маркс — Ленин улуукан үөрэҕэ
Сахалыы тылынан тарҕанар буолбута.
Эйиэхэ юл иһин. эҕэрдэ этэбит,
Итиитик баараҕай баһыыба биэрэбит!

* * *

Кэрэтиэн: театр дьиэлэри тутарбыт,
Кэрэ-чуор куоластаах дьоннору иитэрбит.
Олорбут сүрэҕи долгута туойаллар,
Олору кэрэхсээн бу курдук этэллэр:
«Алаарар халлааҥҥа
Араҕас сулуспут
Хотугу түүн үөһэ
Кондерды иһиллиир.
Сергей Вшсжльев 18