Page 107 - Сергей Васильев-Борогонскай. Поэт уонна гражданин

Айымньыга аралдьыйбат икки сүрүн санаа баар:
а) Ийэ дойдуга уҕараабат таптал;
б) өлөр өстөөххө өһүллүбэт өһүөн.
Суруйааччы кыр өстөөҕүн урусхаллыыр-сууһарар модун-
модьу санаалаах. Ол күүрбүт-күүркэйбит дьүккүөнэ киһи иэнэ
кэдэҥниэх, этэ салаһыах кырыыс-таныар аҥардаах тылларга
кубулуйар:
Сааланан-саадахтанан
Сабардаан кэлбит
Хаанымсах фашистары,
Хаба-ортолорунан
Хараҕалыы анньанкын,
Сытыы биин уступ
Сылаас хааннарын
Сыккырат эрэ, доҕоруом!
Суубургуу-суубургуу,
Субай хаанпарынан
Суунаҕалан эрэ, кылыһыам! '.
«Кылбаҥнаа эрэ, кылыһым!» — андаҕар уонна алгыс
көрүҥүнэн суруллубут айымньы. Ис хоһоонунан көрөн,
бэйиэмэни 3 түһүмэххэ араарыахха сөп:
1 түһүмэх — кылыс хайдах уонна тоҕо оҥоһуллубутун
ойуулааһын;
2 түһүмэх — кылыһы кырыктаах кыргыһыыга ынырыы
(андаҕар);
3 түһүмэх — суруйааччы кынаттаах кыайыыга бигэ эрэ-
лэ (алгыс).
Айымньы баһыйар аҥаарыгар (1-кы түһүмэх уонна 2-с
түһүмэх сороҕо) Сергей Васильев хатан ыстаал кылыс
өһөгөйдөөх өстөөҕү өлөрөргө-өһөрөргө ананан уус кыһатыгар
хайдах уһаарыллан-эллэнэн тахсыбытын кичэйэн-хачайан
ойуулуур:
/Аан ийэ дойдум харысхалыгар,
Аймах-хаан дьонум дьолугар...у
[Хахырыйан-хахырыйан,
Хаптаччы аалбытым].

/Үрүҥ тыын толугар,
Өрөгөй-талаан былдьаһыгар — ...}
[Кыкырыйан-кыкырыйан,
Кылааннаах уһуктаабытым].
105