Page 111 - Сергей Васильев-Борогонскай. Поэт уонна гражданин

сыһыаны көрдөрөр лирическэй баллада-поэма буолара эмиэ
өйдөнөр. Ааҕааччыны бэлэмниир, сэрэтэр киирии курдук
көстөр. Кини манна ааҕааччыны ол кэминээҕи норуот туру-
гар киллэрэн дууһатынан истэргэ, ылынарга туһаайар.
Үөһэ этиллибитин курдук, Сергей Васильев поэзията
олоҕу кытта ыкса сибээстээҕэ бу да сырыыга ырылыччы
көстөр. Баллада олохтон ылыллыбыт документальнай өрүттэр-
дээх. Ол курдук, 1943 с. тохсунньутугар 19-с хайыһардаах сэ-
рии биригээдэтэ, түүн хараҥанан саптаран, уҥуоргу биэрэк-
кэ тахсан өстөөххө эмискэччи саба түһэн, саҥа плацдарм ылар
соруктаах, Ильмень күөл мууһун ортотунан туораан испитэ.
Биригээдэ халлаан сырдыар диэри күөлү ситэ туораабакка,
өстөөх авиациятын уонна артиллериятын күргүөмнээх уотун
анныгар түбэспитэ. Өстөөх биэрэктээҕи сэриилэрэ эмиэ
күүстээх уоту аспыттара. Биригээдэ улахан сүтүктэммитэ. Ол
да буоллар, биригээдэ сорох чаастара уҥуоргу биэрэги булан,
өстөөхтөн хас да нэһилиэнньэлээх пууннары босхолообугга-
ра. Манна ахтыллар 19-с хайыһар биригээдэтин састаабыгар
сибииртэн, ол иһигэр Саха сириттэн, кэлбит үгүс чаастар
бааллара.
Сергей Васильев ааҕааччыны Россия норуоттарын урук-
ку килбиэннээх историяларыгар кэлиҥҥи квлүөнэлэр, ол
иһигэр Сибииртэн, Саха сириттэн тиийэн кыргыспыт буойун-
нар, бойобуой албан ааттара эмиэ кыттыспыттара диэн киэн
туттуулаах санааҕа аҕалар:
Улара, ыраах Сибииртэн,
Усталаах улуу Лена эбэттэн
Нууччалыын, сахалыын, эбээнниин,
Татаардыын, буряттыын, чуваштыын
Элбээн, субуһач, кутуллап испиттэрэ,
Өстөөх сурун тоһута суүрбуттэрэ.
Кинилэр эн килэҥ муускар,
Ол өрдөөҕу кшаныылара,
Кинилэр өстөөххө хабарбыт,
Кыайыыны ыҥырбыт хаһыылара
Үйэлэри урдунэн иһи.глэ тураллар,
- диэн тылларга хорсун быһыы өлбөт үйэлээҕин туһунан
этиллэр.
Автор поэма-балладаҕа араас омук доҕордуу сыһыаны-
нан уонна төрөөбүт төрүт дойдуга күүстээх тапталынан, дьон
109