Page 60 - Сергей Васильев-Борогонскай. Поэт уонна гражданин

Дьөһүөл үөскэтэр тэҥнэбилэ быһаарыы уонна сиһилии
буолуута ханнык тыллыын ситимнэһэриттэн тутулуктаах, ааты
быһаардаҕына, быһаарыы, хайааһыны быһаардаҕына, сиһилии
буолар. Оттон кэпсиирэ буоларыгар дьөһүөл эбиискэ суолта-
ланар, аат кэпсиирэ чааһа буолан туттуллар.
С.С.Васильев -лыы сыһыарыынан үөскүүр тэҥнэбили
үгүстүк туттар. Холобур:
Кыһыл Армия
Кырыынан көрсүһэн.
Уһуктаах өргөстүү
Уун утары кииристэ,
Хомпоруун хотойдуу
Хорсуннук түһүстэ.
Маннык тэҥнэбил С.С.Васильев хоһоонноругар мэлдьи
кэриэтэ сиһилии оруолугар туттуллар. Тылга биирдэ эмит
быһаарыы суолтатыгар туттуллааччы да, кини хоһоонноругар
оннук көстүбэтэ.
С.С.Васильев хоһоонноругар тоҕо эрэ түһүк сыһыарыытынан
үөскүүр тэҥнэбиллэр түбэспэтилэр. Арааһа, суруйааччы ман­
нык халыыбы оҥортообот быһыылаах.
Поэт мэлдьи тэнийбит тэҥнэбиллэри туттар эбит. Ол
ордук дьөһүөл үөскэтэр тэҥнэбиллэрин тутула буолар.
Холобур:
Түксү, тохтоо, санарыма
Түүнкү куоскалыы хатаныма.
Эбэтэр: Сып-сылаас салгыны
Утаппыт курдук уймахтаатым
Эбэтэр: Москва —
Хайа саалын курдук
Халык арҕастаах
Очуос оройун курдук.
С.С.Васильев тэҥнэбили үөскэтэр ханыылыыр тыллара
(этэлиэннэрэ), ханнык ньыманан тэҥнэбил үөскүүрүттэн
тутулуктанан, арыт тэҥнэбил бэйэтин иһигэр, арыттуспатыл
буолаллар. Холобур:
Сүккэн этиҥнии
Сүллэр тыастар (манна тэҥниир тыл тэҥнэбили
үөскэтэр тыл бэйэтэ буолар);
58