Page 55 - Сергей Васильев-Борогонскай. Поэт уонна гражданин

анаан суруйбут олоҥхолоро оҕо толороругар табыгастаахтар,
тылларын сайыннарар, төрөөбүт тылларын таптыы улаатал-
ларыгар улахан оруоллаах. Кини «Ньургун Боотур» олоҥхону
норуокка таһаарары бастаан туруорсубута фольклору улахан -
нык сыаналыырын, билэрин көрдөрөр. Суотсу сириттэн Боре
Бастааҕа алаастан төрүттээҕин, төрөөбүт дойдутун таггтаан
маннык хоһуйар:
Үлускэннээх сууруктээх
Өлуөнэлиир өрустээх
Суотту курдук хочо
баарын билбэппин.
Эн оннук кэрэ хочолоох буоллаххына, —
Эриэккэс да дойдулаах эбиккин!
Кини төрөөбүт дойдутугар элбэх олоҥхоһут үөскээн аас-
пыта биллэр.
Сэрии темата Сергей Васильев айымньытыгар биир сүрүн
миэстэни ылар. Кини суруйааччы Д.К.Сивцев—Суорун Омол-
лоону кытта кыргыһыы хонуутугар сылдьан сэрии иэдээнин
эттэринэн-хааннары нан билбиттэрэ. Ол командировка
түмүгүнэн сэрии саха норуотугар улахан алдьархайы аҕалбы-
тын туһунан «Ытык Ильмень» поэма-балладатыгар, «Бы-
растыылаһыы», «Сэрии буолбут ойууругар», «Кыайыы ырыа-
та», «Сэрии бааһын оһорон» уо.д.а. хоһоонноругар суруйбу-
та. Бастакы Васильевскай ааҕыыларга (2006 с.) Рсспубликан-
скай колледж студеннара «Ытык Ильмень» поэманы киһи
өйүгэр, сүрэҕэр хатанан хаалар гына инсценировкалаан аах-
пыттара. Сэрии саха норуотугар улахан хоромньуну аҕалбы-
тын туһунан уонна сэрии хаһан да хатыламматын гуһугар
инники көлүөнэни ыггырар, өйдөтөр күүстээх айымньы
быһыытынан сөпкө сыаналанар.
Сергей Васильев айымньылара, кыыһа С.С.Васильева-
Донская аҕатын туһунан таһаарбыт «Наш отец — поэт Сергей
Васильев—Борогонский» диэн кинигэтэ уо.д.а. элбэх кинигэ-
лэр, хаһыакка араас темалаах, санаа этиилээх ыстатыйалар
кини саха норуотун чулуу уола, поэта, гражданина, государ-
ственнай деятелэ буоларын ырылыччы көрдөрөллөр, улахан-
нык сыаналыылларын биллэрэллэр.
Ньурбалар, мэҥэлэр С.С.Васильев курдук талааннаах
поэт, салайааччы кэлэн үлэлээн сылдьыбытын дьылҕаларын
бэлэҕин курдук истиҥник сүгүрүйэн туран сыаналыыллар.

53