Page 134 - Сергей Васильев. Өлбөт өрөгөй

ТОРҔО КҮӨХ ДОЙДУГА
Торҕо күөх дойдуга
Тулааһын буоллун диэн,
Киэҥ Ийэ дойдубут
Кэскилэ буоллун диэн —

Балысхан баай нефтээх
Бакуну айыахпыт;
Туолбаттан бензини
Турбанан сүүрдүөхпүт.
Торҕо күөх дойдуга
Тулааһын буоллун диэн,
Киэҥ Ийэ дойдубут
Киэргэлэ буоллун диэн —

Алтаны, алмааһы
Алларан ылыахпыт,
Сомоҕо көмүһү,
Ыас курдук, эллиэхпит!
Тор^о күөх дойдуга
Тулааһын буоллун диэн,
Советскай норуоппут
Симэҕэ буоллун диэн —
Үс күннээх саһылы
Үоскэтэ туруохпут,
Кылааннаах кырсаны
Кыһанан бултуохпут!
1939 с,

МОСКВА ЧАҺЫТЫН ТЫАҺЫНАН
Москва чаһыта лыҥкыныы тыаһаата:
Сандаарар сарсыарда, күөх халлаан чаҕыла,
1?0