Page 135 - Сергей Васильев. Өлбөт өрөгөй

Илинтэн арыллан кундээрэ сырдаата,
Хоммут уос хоһооно толоону туораата.

Чэлгийдэ билигин, урукку үйэҕэ
Сур бөрө кэрийэн улуйбут үрэҕэ.
Долгуһан турдулар толооннор, хонуулар
Дороххой үүнүүнэн өлгөмнүк үтэннэд.
Хороҕор муостаахтар хонууга тардааннар
Колхозтаах толоону ойуунан саптылар.
Сүүрдүлэр табалар, кылбаҥныыр такымнар,
Ыарҕаны быыһынан хоҥкунуур хоболор.
Москва чаһыта лыҥкыныы тыаһаата;
Сандаарар сарсыарда, күөх халлаан чаҕыла,
Илинтэн арыллан күндээрэ сырдаата,
Хоммут уос хоһооно толоону туораата.
1939 с.

КЫТАЛЫКТАР ЫРЫАЛ АРА
МАҤНАИГЫ ЫРЫА

Кырыа хаар суорҕаннаах кыраайбыт үрдүттэн
Кыһыҥҥы күдэрик кыйданан арахта.
Кыыдааны тоһутан, кырыаны уулларан
Кылбаарар сааскы кэм сандааран таҕыста.
Килбэҥниир-килэҥниир ып-ыраас халлааҥҥа
Киирбэт күн чаҕыла күлүмнүү сыдьаайда.
Сир иэнин сиигитэн, силиһи дуоһутан
Симилэх уулара сирилии тыаһаата.
Үөскээбит үрэхпит үрүҥ муус үллүгэ
Үрэллэн үргүбүт сылгылыы сырыста.
Күкүр таас хайабыт туруору күлүгэ
Күндээрэр далайбыт көхсүгэр көһүннэ.
121