Page 138 - Сергей Васильев. Өлбөт өрөгөй

Итии муора кытыытыгар
Элбээн-үксээн тиийиэхтэрэ.
Куба курдук кылбаҥнаһан
Сайын ахсын кэлиэхтэрэ,
Итии куйаас эҥэрдэнэн
Элиэнэҕэ түһүөхтэрэ.

БЭҺИС ЫРЫА
Туругуруҥ, ыраас тантал
Кынатыгар куустарбыттар,
Кэлэр дьикти дьоллоох олох
Килбиэнигэр сиэттиспиттэр!
Туругуруҥ, хотун Лена
Торҕо солко толоонноро,
Туругуруҥ, очуос хайа
Толбон көмүс чыпчааллара.
Туругуруҥ, Саха сирин
Тунаар маҥан күөх түүннэрэ,
Күндээр чаҕыл күн аалыытын
Күлүмүрдүүр сыраллара.
Көрө турдун барыгытын
Таптал күндү мичээрдэрэ,
Туругуруҥ, өлбөт-сүппэт
Дьоллоох олох кэргэттэрэ.
1944 с.

НОРУОТ ДЕЛЕГАТА

Эн бүгүн Москваҕа эмиэ ыҥырылынныҥ,
Этээри сырдык трибунаҕа ытынныҥ...

Эн улуу тылыҥ хоһоонугар истэбин —
Оҕо-уруу эһиэкэй этэрин.
124