Page 141 - Сергей Васильев. Өлбөт өрөгөй

Өрө көтөҕөн,
Саха урааҥхай аймах
Саргылаах сырдык талаанын
Санныбытыгар сүгэн,
Улуу Москваҕа тиийэн
Уруй эттибит,
Киэҥ дыбарыастарга сылдьан
Килбэчитэн кэллибит.
Олоҥхолоон доллоһуттубут,
Оһуор үктээн доҕулдьуттубут,
Хамыс тардан хаҥкынаттыбыт,
Хаас-харах хамсатан чаҕаарыттыбыт.
Хоһоонунан кыайан эппэтэхпитнн
Хобо тыаһынан хоһуттардыбыт,
Тылынан ситэн тылбаастаабатахпытын
Тырымнас үөрүүнэн чаҕылыттыбыт.
Онно кыайан эппэтэхгштин
Убураһан-куустуһан тиэртибит.
Олоҥхобут оһуордаах хоһоонугар,
Ойуубут кэрэ дьарҕаатыгар
Күлүмнүүр дьүкээбилбит уота
Көстө оонньообута буолуо,
Кырсабыт, саһылбыт кылаана
Кылбаһыйан ааспыта буолуо.
Эһиэкэйбит кэрэ эгэлгэтигэр,
Этэр тылбыт киэҥ эйгэтигэр
Өлүөнэ эбэбит кимиэллээх долгуна,
Үкэр куйаас солко суугуна,
Капкааммыт да хабыргыыра,
Хайыһарбыт да сырдыргыыра
Иэйэ-туойа иһиллибитэ буолуо.
Харахпыт да чаҕылыгар,
Хардыыбыт да олугар
Дьоммут-сэргэбит мичээрэ,
127