Page 157 - Сергей Васильев. Өлбөт өрөгөй

КЫРАКЫЙ ТААС

Кырыылаах кыракый таас —
Үйэлээх үрдүк хайаттан
үлтүрүйэн,
Быар сымара таастан
бытарыйан,
Хара муора дохсун долгунугар
Харылыы-курулуу милиллэн,
Сүүтүк саҕа ордубут,
Сүрэх курдук чочуллубут...
Киһи хараҕар квстүбэккэ,
Кэмҥэ-дьылга биллибэккэ,
Тымныы кумах анныгар
Тыһыынчанан үйэлэргэ умнуллубут,
Тылыгырас кыра таас быыһыгар
Тыҥкыр тыаһыы аалыллыбыт...
Ону бүгүн — сырал уоттаах күн —
Уһун санаа5а баттаппыттыы
Унаар-нусхал майгылаах,
Кими эрэ ахтыбыттыы
Килбик, курус туттуулаах
Кыраһыабай нуучча дьахтара
Көрдөөн талан, булан ылла.
Муора уутугар сайҕаан
Солко былаатынан сотто.
Ытыһыгар ууран таптаан
Ыраах илдьэ барда.
Куоптатын сиэбигэр уктан,
Хоонньун сылааһыгар тутан,
Дьиэтигэр ор илдьэ сырытта,
Имэрийэ, көрө, таптыы сытта.
Биирдэ, ону мнэхэ аҕалан,
Бэлэх курдук күндүтүк тутан:
— Сүтэримэ, илдьэ, көрө сырыт,— диэтэ,
143