Page 159 - Сергей Васильев. Өлбөт өрөгөй
P. 159
Сүрэхпинэн билэбин илиини —
Учуутал нап-нарын илиитин,
Эмчит күн аптаах илиитин!
Оо, туттум даҕаны этэ:
Улуу баабый илиилэри,
Уоттаах-төлөннөөх илиилэри!
Бу бүгүн туттум илиини,
Биир туох эрэ аптаах илиини...
Эймэһийэр итиини кини кутта
Этим сааһын устунан.
Хайдах эрэ буолан ылла
Халлааным, сирим кырсынан.
Сымна5ас даҕаны илиилээххин,
Сылаас даҕаны сүрэхтээххин!
Өйбүн эмиэ кини сырдатыыһы,
Сүрэхпин эмиэ кини ыллатыыһы...
Аптаах даҕаны
илиилээххин!
Аймалҕаммын эн
билиэхтээххин!
ХАБДЬЫМ ТУҺУНАН
Хоту муора кытыытынан
Холуон тыалы тоҕо тыыран
Ыраас хаарга хонуктанар,
Ыарҕа-туорах аһылыктанар
Маҥан хабдьым туһунан
Манна тоҕо ыллаабаккыт?
Кэрэ кылбаа кынатынан
Киистэ анньынан хаамсыбаккыт?
145
