Page 158 - Сергей Васильев. Өлбөт өрөгөй

Сиэппэр ыраах уган биэрдэ...
Өйдүөбэтим бу тугун?..
Бу кыракый таас эбээт,
Оо таас аата таас эбээт!
Өйдүөбэтим бу тугун?..

«Мин тулаайах сүрэҕим
Булууска хаалбыт муусгуу,
Бу кыракый тымныы таастыы
Тон эбээт!» — диэбитэ буолаарай?
«Эн, оҕонньор. сүрэ5иҥ
Кырыалаах аппаҕа чэҥирбит хаардыы,
Кыракый, бу тымныы таастыы
Кырдьыбыт, сойбут!» — диэбитэ буолаарай?

«Өр сүппүт кыракый бу тааһы көтөхтүм,
Үрүҥ күн чаҕылын киниэхэ көрдөрдүм,
Этим суоһун эмиэ бнллэрдим,
Эймэһийэр сүрэҕнм төлөнүн иҥэрдим,
Эйиэхэ ону анаатым!»—диэбитэ буолаарай?

Үрүтг Күн күлүмнүүр сырдыгар,
Үтүөкэн бу дьахтар ытыһыгар
Тахсыбыт кыракый бу таастыы
Сырдыкка, сылааска сыраллыы
Та^ыстын күлүктэн ким бары,
Көнньүөрдүн, сырдаатын туох бары!..

ДПТДДХ ИЛИИ

Сүрэхпинэн билэбии илиини —
Ийэ сып-сылаас илиитин,
Үлэһит хатыылаах илиитип!
144